Pơma ah jơ lêh, Tổng Bí thư sơkơ̆t hơdah, Pác Bó – Trường Hà ưh hơdrô̆ minh hơnăn kăp gĭt kơ jơhnơr hơrih, mă oei jing um pơtih grasia kơ tơdrong pơgơ̆r kơdih, tơdrong hơdrin păng tơdrong hơpơi 'meh hơtŏk tơ-iung kơ kon pơlei Việt Nam. Kơyuơ noh, tơdrong asong ming man minh hnam trưng nô̆i trŭ lơ jăl tơ̆ ou tơƀôh tơdrong tơgŭm kăp gĭt đơ̆ng Đảng, Teh đak hăm tơdrong jang pơtho pơhrăm, vă hơtŏk tơdrong hŏk pơhrăm ăn hŏk tro tơring sơlam, vă gơh hơtŏ hơnơ̆ng ăn rim tơring, tơgop hơtŏk vei sơđơ̆ng tơpôl păng hơtŏk mŭk drăm – tơpôl tơring sơlam teh đak.

Tổng Bí thư ăn tơbăt, khei năr truh gô pơtơm ming man, drŭt tenh tơdrong man 248 hnam trưng tơ̆ 248 xah sơlam teh, hăm jăl mă blŭng noh 100 hnam trưng nô̆i trŭ lơ jăl (Jăl kơđeh păng Trung hŏk kơ sơ) tơ̆ dôm xah sơlam teh vă asong đei hơnih hŏk pơhrăm tôm tong ăn kon hơ-ioh tơring sơlam teh.