Tang măt ăn jơnŭm pơgơ̆r Đảng, Teh đak pôk hơnăn Khul pơm jang Nuih mơng ăn Anih jang Akŏm hơlen tơdrong glăi lơ̆m tơpôl, Tổng Bí thư Tô Lâm pôk bơnê kơ dôm tơdrong đei jơnei tih tên mă Anih jang Akŏm hơlen tơdrong glăi lơ̆m tơpôl hlôi jang đei lơ̆m 65 sơnăm kơ ou.

Tổng Bí thư pơgơ̆r, Anih jang Akŏm hơlen tơdrong glăi lơ̆m tơpôl lơ̆m khei năr truh athei tơguăt kơjăp păng pơm jang đei jơnei sơnong jang chinh trĭ kơ teh đak lơ̆m chăl sơnăm hơtŏk tơ-iung kơ teh đak, pơkăp tơdrong jang kơ anih jang lơ̆m tơdrong pơgơ̆r pơjing Teh đak xah hô̆i chu nghĩa, lơ̆m khei năr Đảng bơ̆n tŏk bŏk pơgơ̆r kơtang tôm tơdrong jang tơplih 'nao, pơm jang tôm sơnong jang đei tơlĕch, dôm tơchơ̆t hơtŏk tơ-iung tenh păng kơjăp kơ teh đak, tơrĕk tơgŭm ăn tơdrong hơrih kon pơlei, vei sơđơ̆ng tơdrong pơgơ̆r, sơđơ̆ng tơdrong jang chinh trĭ - tơpôl păng jang hơdoi lơ̆m apŭng plenh teh.