Tang măt ăn rim kơdră chĕp pơgơ̆r Đảng, Teh đak pơtruh nơ̆r hmach thơ thou chơt hơ iă sơnăm ‘nao ‘lơ̆ng liĕm hloh truh hăm Đang ƀô̆, khul kơdră chĕp pơgơ̆r, kon pơlei rim hơdrung lơ̆m dêh char, Tổng Bí thư tơbăt jơhngơ̆m đon mơnat hăm dôm tơdrong tơnap tap kơ tơring lơ̆m sơnăm ou ki, mă đơ̆ng lơ loh ră Tổng Bí thư jei akhan, hăm groi teh dă păng hơnih dơ̆ng kăl đơ̆ng kơdih, Dak Lăk kăl đei lăng jĭ oei iung jang ‘lơ̆ng hloh. Tổng Bí thư athei dêh char hơmet pơ ‘lơ̆ng keh đang dôm tơdrong tơhlăk tơhlĭn, mă kăl ‘noh teh choh jang sa-teh mir đak lar, adoi hơmet pơ ‘lơ̆ng tơdrong mơdro sa. Kơ yuơ ‘nou jĭ nơ̆r pơkoel atŏk tơ iung mŭk drăm, mĭnh păh jĭ tơdrong sơđơ̆ng chinh trĭ-tơpôl păng hơmet pơ ‘lơ̆ng jơhngơ̆m đon Kon pơlei lui yom. Tổng Bí thư athei Đak Lăk akŏm sơđơ̆ng dơ̆ng kơjăp tơring, vei kơjăp chinh trĭ-tơpôl lơ̆m rim tơdrong, lăng ‘nou jĭ hơyak ưh kơ gơh tơplih kơ atŏk tơ iung kơjăp ‘lơ̆ng; mă kăl hơnơ̆ng tơ iung pơjing khul kơdră iung jang, bơ̆ jang ‘lơ̆ng, đei jơhnơ̆m đon ‘lơ̆ng păng chĭu pŭ truh tơ̆p truh troch, ƀlep trong tơlĕch ăn lơ̆m Hop akom tih ‘măng mă XIV kơ Đảng.