Pơma pơtôch jơ bơ̆ jang, Tổng Bí thư 1 ‘măng dơ̆ng akhan, tơdrong tơgŭm hăm bơngai đei kŏng kăch mang; tơdrong sir chă, hơlen năng, chih hơdăh hơnăn đe linh lôch tang ăn teh đak ‘nŏh jĭ tơdrong jang chinh trĭ tôch gĭt kăl, ƀơm truh jơhngâm đon ‘mêm băt, chăl arih adrol sơ̆ păng ƀĕnh jơhngâm đon ‘lơ̆ng; jĭ ‘long pơtŏ hơnăp jang đơ̆ng Đảng, teh đak hăm dôm bơngai chu lôch tang hơkâu yoa tơdrong rơngei, hiôk hian kơ teh đak.

Tổng Bí thư athei Khul kơdră chĕp kơ̆l Đảng kơ Khul kơdră teh đak jăh hơlen năng, hơmet ming, chih tơlĕch dơ̆ng lơ tơdrong tơgŭm, khôi luơ̆t hăm bơngai đei kŏng, mă loi hăm dôm tơdrong hơgăt oei tơhlăk vă chih tơbăt ăn bơngai lôch tang ăn teh đak hăm đe linh jĭ rơka lôch yoa rơka jĭ iung dơ̆ng; chih tơbăt bơngai lôch tang yoa bơ̆ jang srĕp; dôm hla ar ưh pă lăp hăm yăn âu, pơdui đunh, khŏm hơmet kĕh rim tơdrong găh tơdrong tơgŭm ăn bơngai đei kŏng lơ̆m sơnăm 2026.