Tổng Bí thư lăng ‘lơ̆ng jơhngơ̆m đon bơ̆jang tơpăt, đĭ jơhngơ̆m đơ̆ng dôm bơngai tang măt păng pôk pơ ư dôm jơnei yak blŭng ‘lơ̆ng lơ̆m tơdrong bơ̆jang kiơ̆ tơplih kơsô̆ khei ‘năr âu ki; pơma hơdăh ‘nâu jĭ iŏk đei đơ̆ng hơpơi ‘meh plang jơhngơ̆m jang đơ̆ng pơđĭ khŭl jang chĭnh trĭ, kon pơlei păng anih mơdro sa. Tơ̆ hơnăp kơnh, Tổng Bí athei akŏm tơlĕch jang 8 hơnăp jang tơm, hơtŏk ‘lơ̆ng hơnăp jang bơngai chĕp kơ̆l, hơtŏk loi dơ̆ng hơnăp jang, đon pơ hnŏng chĭnh trĭ păng iŏk yua kơmăy kơmŏk, hla ar chih răk kăl vă vei lăng đei yua hloh, mă loi ‘noh jĭ lơ̆m khei ‘năr khŭl kơdră chĕp kơ̆l 2 tăl.

Hơdai hăm ‘noh, Tổng bí thư athei Anih Roi tơbăt, Krao hơvơn kon pơlei kơ Trung ương tŭn pran roi tơbăt găh tơplih ‘nao hơgei, mă loi ‘noh jĭ trong jang chu pŭ ưh kơ pŭn ai vă hơmet ming đon lui lơ̆m tơpôl păng anih mơdro sa lơ̆m tơdrong jang khoa hŏk kơmăy kơmŏk.