Pơma tơ̆ jơ bơ̆ jang, Tổng Bí thư Tô Lâm ăn tơbăt, mă tơpă tơ̆ 1,2 tơring oei tơmât yoa kơjă teh tôch kơjung, jing huach lơ jên hrŭ mưh chưk pơ ‘ngoăih teh vă bơ̆ jang dôm tơdrong jang kơ teh đak, pơm ăn yă teh tŏk kiơ̆, jing đei lơ tơdrong ưh kơ ‘lơ̆ng.

Kiơ̆ đơ̆ng noh, Tổng Bí thư Tô Lâm pơma hơdăh đon tơchĕng, tơdrong hơgăt đei chih lơ̆m luơ̆t athei iŏk yoa mă ‘lơ̆ng kơjă teh vă pơm ăn kơjă teh gơ̆h hơtŏ ‘lơ̆ng, đei yoa, tang găn tơdrong pơhuach kư̆ kă, mă loi jĭ tang găn tơdrong chă trong pơyoa ăn grŭp kơdih. Yoa teh jĭ tơmam tơm tôch kăp gĭt, jĭ tơmam vă jang xa, ‘nâu kŭm jing đon tơchĕng tôch rơđăh đơ̆ng Đảng păng teh đak. Tổng Bí thư pơma hơdăh, dôm trong vă jang tih păng dôm tơdrong tơgŭm gĭt kăl lơ̆m Luơ̆t teh (đei hơmet ming) athei tơmât yoa hơdai atŭm hăm dôm khôi luơ̆t đei ƀơm truh tơdrong găh thuê̆, hnam oei, tĕch mơdro teh hnam, chĕng hơmet teh vă sir iŏk tơmam.