‘Măng pơma đam pơgơ̆r lơ̆m jơ năr tơbôl, tơpă păng tơpăt. 2 Tổng bí thư lăng ‘lơ̆ng tơdrong hơtŏk tơiung yak tŏk đơ̆ng tơdrong pơvei 2 Đảng, 2 teh đak khei ‘năr âu ki kiơ̆ trong jang (6 hloh). Dôm ‘măng pơma dơnuh gĭt kăl pơgơ̆r hơnơ̆ng, jang hơdai mŭk drăm - tĕch mơdro hơnơ̆ng tŏk ‘lơ̆ng, kŭm hăm lơ hơnih hơdăh lơ̆m jang hơdai joh ayŏ, pơtho pơhrăm, tơmang lăng păng tơƀơ̆p pơma dơnuh tơring. 2 păh kŭm jang hơdai kơjăp tơ̆ dôm hop akŏm lơ pang, pơvei pơma dơnuh rơhau găh dôm tơdrong oei đei.

Tổng Bí thư Tô Lâm athei hơtŏk loi dơ̆ng jang hơdai lơ̆m dôm tơdrong jang tơm nhen khŭl lĭnh, jang tơbôl, kơmăy kơmŏk, tơplih kơsô̆ păng vei lăng cham char. Mă loi ‘noh, Tổng Bí thư Tô Lâm pơma hơdăh kăl kơ tŭn hrĕnh tơdrong jang pơm trong gre treng Lào Cai - Hà Nội - Hải Phòng, pơtrŭt tĕch mơdro hơtŏ băl păng tơmơ̆t jên jang ‘lơ̆ng. Đơ̆ng rŏng pơma đam, 2 Tổng bí thư hlôi dơ̆ng lăng roi tơƀôh 45 hla ar jang hơdai đei kĭ pơkăp, roi tơbăt pơtôch tôm tơdrong đơ̆ng ‘măng năm ngôi, bơ̆jang.