Tơ̆ jơ sơng, Tổng Bí thư hmach chơt hơ iă dôm tơdrong jơnei mă Campuchia hlôi iŏk đei lơ̆m khei năr ou ki, tơbăt jơhngơ̆m đon lui Campuchia gô hơnơ̆ng vei kơjăp rơngei hiôk hian, sơđơ̆ng păng atŏk tơ iung pơdrŏng. Tổng Bí thư pơma hơdăh, tơgoăt tơgoăl Việt Nam – Campuchia đei pơjing păng atŏk tơ iung ‘lơ̆ng hơ iă đơ̆ng chăl sơnăm tơgoăt tơgoăl, vang plang ăn pham lĕch sĕch huŏng kơ yuơ pơm tơm kơdih, rơngei hiôk hian păng atŏk tơ iung kơ teh đak, adoi kơ yuơ đei iŏk yoa atŭm kơ ASEAN. Việt Nam ling lang yom kiơ̆ kơjăp dôm tơdrong tơgop gĭt kăl đơ̆ng Campuchia hăm tơdrong jang pơm rơngei hơdrĕch hơdrung păng atŏk tơ iung kơ Việt Nam. Việt Nam sơkơ̆t hơdăh hơnơ̆ng kơrŭn đĭ ai vă hơmet pơ ‘lơ̆ng, atŏk tơ iung tơgoăt tơgoăl ƀar teh đak tơjê̆ ‘lơ̆ng hơ iă, tơgoăt tơgoăl joăt joe đơ̆ng sơ̆ păng jang hơdoi tôm tong hăm Campuchia, adoi nhen tơgoăt tơgoăl jang hơdoi ƀar păh pêng teh đak Việt Nam – Campuchia – Lào.