Tơ̆ jơ tơƀơ̆p, Tổng Bí thư Tô Lâm pơma hơdăh tơdrong Phalăng jing teh đak boăl joăt lơ̆m EU mă blŭng jing Teh đak jang hơdoi gĭt kăl tôm tong hăm Việt Nam ‘noh tơƀôh hơdăh ăn Việt Nam lăng kơjăp păng ‘meh vă pơm hơtŏk loi dơ̆ng tơgoăt tơgoăl dih băl, jang hơdoi tôm tong hăm Phalăng, athei Phalăng, hăm hơnăp jang jĭ teh đak đei nơ̆r pơma kăl hloh lơ̆m EU, pơtrut kơtang hloh dơ̆ng tơgoăt tơgoăl Việt Nam - EU vă tơgop lơ̆m rơngei hiôk hian, sơđơ̆ng păng atok tơ iung kơ tơring păng apŭng plĕnh teh. Tổng Bí thư Tô Lâm hăm Kơdră tang măt Phalăng drơ̆ng mĭnh nơ̆r hơnơ̆ng atŏk kơtang jang hơdoi lơ̆m rim ‘măng pơgơ̆r lơ pang păng hơnih jang apŭng plĕnh teh, pơtrŭt kơtang jang hjơdoi lơ pang, lui yom khôi luơ̆t apŭng plĕnh teh, xek tơlang rim tơdrkng long lơ̆m plei teh. Găh tơdrong Biển Đông,; Bơngai tang măt Phalăng pơma hơdăh, Phalăng păng EU tơgŭm djru trong jang đơ̆ng Việt Nam păng ASEAN găh xek tơlang tơdrong tơgar dih băl hăm trong rơngei hiôk hian ‘moi kiơ̆ pơm kiơ̆ kơjăp khôi luơ̆t apŭng plĕnh teh, tơgop vei kơjăp rơngei hiôk hian, sơđơ̆ng, duk kơdou, gre păr sơđơ̆ng ‘lơ̆ng hơ iă.