Iung pơma tơ̆ Hơnih pơgơ̆r tơm Cao Bằng, Tổng Bí thư Tô Lâm sơkơ̆t hơdăh, tơdrong Ƀok Hô brŏk vih tơ̆ teh đak ưh khan lăp tơdrong brŏk vih hăm groi teh, mă lei tơdrong brŏk vih hăm Kon pơlei, hăm tơdrong hơdrĕch hơdrung, hăm trong pơm tơm kơdih kơ kĕch mang Việt Nam. Đơ̆ng dôm tơdrong tơchơ̆t kăl đei pơjing tơ̆ kơtă bri kông Cao Bằng, trong jang kĕch mang Việt Nam đei sơkơ̆t hơdăh, chông ba iŏk đei jơnei tih tên kơ Kĕch mang Khei Tơhngam sơnăm 1945, pơjing đei Teh đak Việt Nam kơ Kon pơlei, yuơ Kon pơlei păng kơ yuơ Kon pơlei. Tơdrong gĭt kăl hloh kơ tơdrong Ƀok Hô brŏk vih tơ̆ teh đak ưh khan lăp lơ̆m tơdrong kăl chăl sơnăm, mă oei dôm trong kăl hŏk pơhrăm gĭt kăl lơ̆m chăl hle. Tơ̆ hơnăp yang hơbang kơdră chĕp pơgơ̆r teh đak Hồ Chí Minh ‘mêm kơ eng, bơ̆n ling lang tơgoăt tơgoăl pôm nơ̆r ƀơ̆r đon, lăng kơjăp trong hlôi rơih iŏk; kiơ̆ yok rok jơ̆ng tơgăl hăm trong gơlong mă Ƀok pơsư̆ ăn; iung jang kiơ̆ kơtang, bơ̆ jang jơnei, mĭnh ăp, mĭnh hơnih jang, rim kang ƀô̆, đang viên atŏk kơtang hơnăp jang lơ̆ng tơ̆ hơnăp Kon pơlei, kơrŭn đĭ ai tơ iung pơjing mĭnh teh đak Việt Nam rơgei hiôk hian, pơm tơm kơdih, nuih mơng păng pơdrŏng hơnŭk hơnoa, tơgop kơtang ăn tơdrong rơngei hiôk hian păng atŏk tơ iung kơ tơring păng apŭng plĕnh teh".