Tang măt ăn Khul kơdră chĕp pơgơ̆r Đảng, Teh đak, Tổng Bí thư Tô Lâm hôn bơnê dôm tơdrong iŏk đei jơnei tih tên kơ khul ƀô̆ đô̆i Quân khu 9, adoi, Tổng Bí thư athei Quân khu 9 hơnơ̆ng tơlĕch jang kiơ̆ kơtang jơhngơ̆m đon ‘lơ̆ng đơ̆ng Ƀok Hô, trong bơ̆ jang vei lăng sơlam teh đak đơ̆ng Đảng, pơm hơtŏk bơ̆ jang ‘lơ̆ng, jơhngơm pran nuih mơng iung tơblăh; tơ iung pơjing trong jang kon pơlei vang vei lăng sơđơ̆ng teh đak pran kơjăp, iăp kơtang; akŏm tơ iung pơjing khul  gơ̆h hơgei, nuih mơng, pran kơtang, hơbĕch hơbal, lăng kơjăp  pơtho pơhrăm ‘lơ̆ng, gơ̆h iŏk yoa ƀrơ̆m phao kơtoang hle, kơchăng iung tơjră mă đơ̆ng jơ ‘năr ayơ. Tổng Bí thư jei athei, khul ƀô̆ đô̆i Quân khu 9 hơnơ̆ng jang ‘lơ̆ng bơ̆ jang pơrô̆ pơrôp, atŏk kơtang hơmet pơ ‘lơ̆ng tơgoăt tơgăl pôm nơ̆r ƀơ̆r đon kơjăp hăm ƀô̆ đô̆i kon pơlei, tơ iung pơjing đei jơhngơn kon pơlei lui yom kơtang.