Tang măt ăn kơdră chĕp pơgơ̆r Đảng, Teh đak pôk ăn Mê đai bơ̆ jang pran kơtang dơ̆ng mă Blŭng ăn Hơnih tơm jang tơbôl, Tổng Bí thư Tô Lâm hmach chơt hơ iă dôm tơdrong iŏk đei jơnei, tơdrong tơgop kơtang đơ̆ng hơnih jang tơbôl, adoi pơma hơdăh, đei pơjing lơ̆m jơ ‘năr pơjing hơnih vei lăng sơlam teh đak păng sơđơ̆ng, Đảng păng Ƀok Hô lăng kơjăp hơnăp jang kăl kơ jang tơbôl. Tổng Bí thư Tô Lâm athei, khei năr kơnh pơ đĭ Hơnih jang tơbôl kăl tơ iung pơjing trong jang tơbôl tôm tong, gơ̆h hơgei trŏ lăp hăm trong bơ̆ jang Việt Nam; pran kơtang gơh hơgei pơ đĭ lơ̆m 3 hơnih jang tơm: Tơbôl Đảng-Tơbôl Teh đak- tơbôl kon pơlei, iung jang hơdoi kơjăp hăm vei lăng sơđơ̆ng sơlam teh đak, sơđơ̆ng teh đak, mŭk drăm, khoa hŏk kmăi kmŏk, joh ayŏ păng kơtơ̆ng ang jang tơbôl.