Tơdrong pơgơ̆r “Tơƀơ̆p pơma dơnuh hŏk tro, sinh viên Việt Nam - Trung Quốc rim jăl” kơ yuơ Hơnih tơm jang tơbôl pơm tơm jang hơdoi hăm Jơnŭm rim khul tơgoăt tơgoăl Việt Nam păng rim hơnih bơ̆ jang pơgơ̆r ƀlep lơ̆m năr tơbăt 75 sơnăm pơjing tơbôl Việt Nam – Trung Quốc păng Sơnăm tơƀơ̆p dih băl ‘lơ̆ng hơ iă Việt Nam - Trung Quốc 2025. Tổng Bí thư Tô Lâm vang năm păng iung pơma tơ̆ pơgơ̆r. Tơdrong pơgơ̆r ou đei dang 800 ‘nu bơngai tang măt vang năm, lơm ou 500 ‘nu bơngai tang măt Việt Nam păng 300 ‘nu bơngai tang măt Trung Quốc. ‘Nou rim jơhnơr sinh viên-dôm bơngai hlôi băt hlôh ƀôh hơdăh tơdrong atok tơ iung tơgoăt tơgoăl Việt - Trung. ‘Ngoăih kơ ‘noh jĭ tơdrong tơgop muh măt đơ̆ng rim bơngai tang măt jơhnơr mơlôh kơ ƀar teh đak. Tơdrong pơgơ̆r ou đei pơgơ̆r lơ tơdrong nhen: Phĭn rup, chă lăng pơdă rup găh tơgoăt tơgoăl Việt - Trung, pơgơ̆r joh hơri, lăng phim tơbăt ăn 75 sơnăm tơgoăt tơgoăl ƀar teh đak, pơma dơnuh hăm dôm hok tro, sinh viên so kơ ƀar teh đak păng pơma dơnuh găh dôm jơ ‘năr hŏk pơhrăm, jang hơpeh hơpong pơtho pơhrăm.