Tơdrong jang ming man lơ̆m teh xă vă jê̆ 6 hek tar, 18 lăm hăm 630 ‘nu hŏk tro, đei tôm lăm hŏk, thư viện, hnam pơtâp hơkâu jăn păng hơnih oei sa kơtă ‘nao ăn kơ 320 ‘nu hŏk tro; akŏm jên tơmơ̆t jang 150 ti hlak jên yua đơ̆ng dôm anih mơdro sa găh Anih tơm vei lăng Khŭl lĭnh tơgŭm. Mưh pơm đang, hnam trưng gô tơgop hơtŏk ‘lơ̆ng tơdrong hiôk pơtho păng hŏk ăn kơ vă jê̆ 700 ‘nu hŏk tro tơring sơlam, tơring kon pơlei kon kông.

Pơma tơ̆ jơ pơm lêh,  Tổng Bí thư pơma hơdăh pơtho pơhrăm ‘noh jĭ trong jang tơgŭm đơ̆ng teh đak kăl hloh; athei Anih tơm vei lăng Khŭl lĭnh vei sơđơ̆ng jang hrĕnh, ‘lơ̆ng; hơdai hăm athei dêh char Đắk Lắk, anih vei lăng Pơtho pơhrăm păng khŭl kơdră tơring hơmet ăn ‘lơ̆ng khŭl jang, tơdrong jang, vei lăng, iŏk yua jơnei tơmam drăm đơ̆ng rŏng kơ pơm đang. Ƀlep ƀơ̆t hơmet ăn Tết Nguyên đán Bính Ngọ 2026, Tổng Bí thư Tô Lâm hlôi năm ngôi, hmach thơ thou têt kang ƀô̆, khŭl lĭnh Kơđông lĭnh vei lăng tơring sơlam Ea H’Leo – anih jang tŏk bŏk kơtă jang hơnăp jang tơ̆ tơring sơlam kơ dêh char Đắk Lắk.