Kiơ̆ tơdrong pơgơ̆r đơ̆ng Anih jang Pơtho Pơhrăm dêh char Kon Tum, Jơnŭm pơgơ̆r dôm hnam trưng păng rim thâi kô chu nhiệm lăm pơgơ̆r hop akŏm mĕ ƀă hŏk tro ah blŭng sơnăm hŏk mă hơdrô̆ tơroi kơ dôm kơsô̆ jên athei nôp.

Vă tơplih ‘nao tơdrong hop akŏm mĕ ƀă hŏk tro, rim hnam trưng hŏk kiơ̆ kơ tơdrong kĕ đei mă athei akŏm lơ̆m tơdrong nhen: pơma đam, drơ̆ng nơ̆r gah tơdrong pơtho kon hơ-ioh; tơdrong vei sơđơ̆ng trong nơnăm; tang găn păng tơjră ma túy lơ̆m hnam trưng hŏk, vei sơđơ̆ng tơdrong yua mạng tơpôl; vei sơđơ̆ng kơsô̆ hŏk tro pơ-‘nam năm hŏk; iŏk yua tơnăp tơdrong asong jang đơ̆ng teh đak hăm hŏk tro kon kông. Ƀok Đoàn Thành Nhân, Phŏ Kơdră Anih jang Pơtho Pơhrăm dêh char Kon Tum ăn tơbăt, athei pơkăp kiơ̆ đơ̆ng tơdrong hop akŏm, mĕ ƀă hŏk tro athei băt hơdah dôm tơdrong kăp gĭt hăm tơdrong hŏk pơhrăm kơ kon hơ-ioh.