‘Năr 21/9, tơ̆ Đắk Lắk, Anih pơgơ̆r thi Iung jang xa rơgŏh ‘lơ̆ng ‘măng mă 11. Anih pơgơ̆r roi tơbăt 9 tơdrong jang hơiă hlŏh kơ tơring Tŏk bŏk – Tây Nguyên mât lơ̆m vŏng thi mă hơtuch lơ̆m teh đak. Đơ̆ng 26 tơdrong jang truh thi, Khul châm hơlen rơih đei 3 tơdrong jang găh Grŭp A păng 6 tơdrong jang găh grŭp B.

Hơiă hlŏh jĭ dôm tơdrong jang: Đak kho ‘lơ̆ng đơ̆ng ƀum ngô (Gia Lai), pơm tơmam đơ̆ng plei gao hơdai hăm tơmam đơ̆ng choh jang xa đei (Lâm Đồng), pơtăm krao pơm mŭk drăm kơjăp ‘lơ̆ng (Quảng Ngãi), phơ̆ng rơgoh ‘lơ̆ng đơ̆ng ‘long jơla, đak plei táo Rangfarm (Khánh Hòa), phơ̆ng đơ̆ng kơđoh plei guga (Lâm Đồng) păng Chilinext – kơjă kăp gĭt đơ̆ng hơmrĕ (Đà Nẵng). Đơ̆ng rŏng kơ 2 ‘măng thi Bán kết tơ̆ plt HCM păng Đắk Lắk, lơ̆m teh đak hlôi rơih đei 28 tơdrong jang mât lơ̆m vŏng thi mă hơtuch. ‘Măng thi Bán kết mă tuch luch vă pơgơ̆r tơ̆ Hà Nội đơ̆ng ‘năr 26 – 28/9.