Tơ̆ 'măng akŏm, đe kơdră dêh char Kon Tum chih akŏm minh ƀar nơ̆r tơgop đơ̆ng anih jang mŭk drăm lơ̆m tơdrong tơhlăk tơhlĭn gah teh; dah hrôih tơlĕch tơchơ̆t tơgŭm vă Anih jang Hadoi, Hơp tak xah, Jơnŭm jang Hơp tak xah lơ̆m tơring teh kơ dêh char Kon Tum gơh đei pơjao ming man anih pơm jang tơpôl lơ̆m tơring păng anih jang kăl nai kơ Teh đak; Kơchăng asong jên mong ăn tơdrong jang tĕch pơdro lơ̆m apŭng plenh teh tơ̆ dôm tơring pơm jang pran; Tơdrong đei ƀôh hăm dôm anih jang mŭk drăm pah lăp păng iĕ gơh đei iŏk jên asong jang đơ̆ng Teh đak...

Adoi lơ̆m 'măng akŏm kơ dôm anih jang mŭk drăm, bơngai jang mŭk drăm dêh char Kon Tum păng pơlei tơm Hồ Chí Minh tơroi gah minh ƀar tơmam drăm vă tơroh tĕch pơdro păng jang hadoi pơm tơlĕch păng tĕch răt tơmam drăm đunh đai hloh.