Pơm kiơ̆ Tơchơ̆t đơ̆ng Kuô̆k hô̆i, truh dang ei jơ̆p teh đak hlôi pơklaih tơnap tap ăn 5.200 tơdrong tơlĕch jang, groi teh hăm  70 rơbou hectar hlôi đei tơmơ̆t yua... Tơ̆ hop akŏm,  Thủ tướng Phạm Minh Chính akhan, dang ei jơ̆p teh đak oei đei jê̆ 3000 tơdrong tơlĕch jang oei tơnap tap tơhlăk tăk. Rim hơnih jang, rim tơring athei tenh kuăng tơlĕch trong jang hơdah hơmet kiơ̆ sơnong pơgơ̆r jang kơ po.

Tơrĕk truh tơdrong jang kiơ̆ tơchơ̆t tơlĕch đơ̆ng teh đak Thủ tướng pơgơ̆r hăm Hơnih tơm Choh jang xa păng Cham char dah tenh kuăng chih akŏm tơdrong gơh jang, tơlĕch Tơchơ̆t asong jang kiơ̆ Tơchơ̆t tơlĕch jang kơ teh đak jăl sơnăm  2026-2030, lơ̆m khei 1/2026, kiơ̆ sơnong pơgơ̆r jang ăn rim tơring. Akŏm tơlĕch tơdrong jang kăl, trŏ hăm tơdrong kĕ đei kơ rim tơring; tang găn tơdrong asong jang lang să, jang pơgia, asong jang hơdrol ăn tơring tơnap tap kơdêh; Akŏm pơjing dôm trong pơm jang kơjăp sơđơ̆ng, rơgoh 'lơ̆ng păng đei kơjă kăp gĭt; Akŏm tơplih đon tơchĕng, hơtŏk hơlêm vă kon pơlei kơdih pơm jang klaih đơ̆ng hin dơnuh, hơtŏk pơm pơdrŏng.