Tơ̆ Hop akŏm, Thủ tướng bơnê kơ tơdrong hơdrin păng đei jơnei lơ̆m tơdrong jang hơmet răm đơ̆ng ƀôm min pơm đei lơ̆m 15 sơnăm ou ki; bơnê kơ Jơnŭm pơgơ̆r dôm teh đak, dôm hơnih jang apŭng plenh teh yak hơdoi hăm Việt Nam lơ̆m tơdrong hơmet răm đơ̆ng tơdrong tơblah, hơmet răm đơ̆ng ƀôm min.

Thủ tướng akhan lơ̆m khei năr truh hơtŏk tenh tơdrong jang hơmet răm đơ̆ng ƀôm min, pơm jang đei jơnei tơchơ̆t tolĕch truh sơnăm 2045 keh đang tôm tơdrong plôih đĭ ƀôm min oei ah hơnih jrŭ 0,5m lơ̆m groi teh; pơgơ̆r hăm Hơnih tơm Jên hu asong jên jang, akŏm hơmet răm đơ̆ng ƀôm min. Hơtŏk kơtang tơdrong chih hơlen, iŏk yua dôm tơdrong hơgei khua hŏk kơmăi kơmŏk 'nao tơguăt hăm tơplih kơmăi kơsô̆; hơtŏk tơdrong jang lơ̆m teh đak, vă khei năr truh gô đei kơmăi hơlen plôih ƀôm min.