VOV4.Bahnar - Pơgê hrôih ‘năr 5/6, Thủ tướng Phạm Minh Chính păng hơkăn sư kŭm hăm Khŭl tang măt gĭt kăl kơ Teh đak bơ̆n lĕch đơ̆ng Anih tơm Hà Nội năm Hop akŏm găh Đak dơsĭ Liên hợp quốc ‘măng mă 3 (UNOC 3).

VOV4.Bahnar - Pơgê 4/6, tơ̆ Kiên Giang, Tổng Bí thư Tô Lâm pơgơ̆r jơ bơ̆jang hăm Khŭl chĕp kơ̆l pơgơ̆r Anih jang Đảng dêh char Kiên Giang păng Khŭl chĕp kơ̆l pơgơ̆r Anih jang Đảng dêh char An Giang, hơlen lăng tơdrong bơ̆jang kiơ̆ dôm tơdrong tơchơ̆t, pơtôch đơ̆ng Trung ương.

VOV4.Bahnar - Thủ tướng athei akŏm lơ̆m 11 tơdrong jang tơm, lơ̆m ou mă kăl hơmet pơ ‘lơ̆ng tơnap tap trong tơchơ̆t ‘noh kăl hloh.

VOV4.Bahnar - Dêh char Khánh Hòa hlôi tơlĕch jang ‘lơ̆ng jơnei tơdrong jang kiơ̆ Tơdrong tơchơ̆t đơ̆ng Hơnih tơm Chinh trĭ găh tơ iung pơjing, atŏk tơ iung dêh char Khánh Hòa truh sơnăm 2030, lăng truh sơnăm 2045 atŭm hăm Tơdrong jang tơm Teh đak atŏk tơ iung mŭk drăm-tơpôl tơring kon kông păng groi kông. Hloh 4 sơnăm tơlĕch jang kiơ̆, đơ̆ng kon jên jang teh đak ou hlôi tơgŭm ăn kon pơlei kon kông lui kơjăp tơ̆ hơnăp, atŏk tơ iung mŭk drăm kơjăp ‘lơ̆ng.  

VOV4.Bahnar - Kơsơ̆ brei 3/6, Thủ tướng Phạm Minh Chính pơgơ̆r Hop akŏm Khul kơdră chĕp kơ̆l Đảng ƀô̆ Khul kơdră teh đak, pơma nuh, chih hơmet hla ar kăl vă tơroi tơbăt lơ̆m Hop akŏm jăl jang đơ̆ng 2025–2030.

VOV4.Bahnar - Kơsơ̆ brei 3/6, Kơdră chĕp kơ̆l Đảng dêh char Đắk Lắk roi tơbăt tơdrong tơchơ̆t Tơmât Radio pơdăh um rup dêh char lơ̆m ƀăo Đắk Lắk, kiơ̆ tơdrong Tơchơ̆t kơsô̆ 2382 đơ̆ng Khul kơdră chĕp kơ̆l Đảng ƀô̆ dêh char.

VOV4.Bahnar – Kơsơ̆ năr 3/6, Phŏ Kơdră teh đak bơ̆n Võ Thị Ánh Xuân pơgơ̆r tơdrong hop akŏm mă mônh Jơnŭm pơgơ̆r Hop akŏm jơ̆p teh đak gah pơlong jang 'mêm kơ teh đak 'măng mă 11.

VOV4.Bahnar - Pơgê 3/6, Kơdră Quốc hội Trần Thanh Mẫn pơgơ̆r pơih blŭng Hop akŏm mă 46 kơ Anih chĕp kơ̆l pơgơ̆r Quốc hội, pơma truh tơdrong hơmet pơ ‘lơ̆ng khôi luơ̆t vă pơjing jơhngâm pran ‘nao ăn tơdrong jang tŏk păng bơ̆ jang đei yoa ‘lơ̆ng đơ̆ng khul kơdră pơgơ̆r teh đak.

VOV4.Bahnar – Năr 3/6, Tổng Bí thư Tô Lâm pơgơ̆r 'măng pơm jang hăm Anih jang Tĭnh uy Bến Tre, Trà Vinh păng Vĩnh Long vă sơkơ̆t hơdah tơdrong pơm kiơ̆ dôm tơchơ̆t jang đơ̆ng Trung ương.

VOV4. Bahnar -  Pơgê năr 2/6, tơ̆ pơlei tơm Buôn Ma Thuột (Dak Lăk), Ƀao hiêm Tơpôl Việt Nam pơgơ̆r Hop akŏm tơbăt hơdăh păng pơjao ăn Hla bơar tơchơ̆t găh bơ̆ jang kang ƀô̆ găh lơ̆m Ƀao hiêm Tơpôl tơring XXVI, jing hơnih jang ‘nao pơjing ‘moi kiơ̆ hơgrop Ƀao hiêm Tơpôl Dak Lăk hăm Phú Yên.