VOV4.Bahnar - ‘Năr 7/4,  khŭl lĭnh kŏng an hlôi chông ba Nguyễn Văn Khởi, (27 sơnăm) đơ̆ng xăh Thạch Phú, apŭng Mỹ Xuyên, dêh char Sóc Trăng brŏk tơ̆ Dak Lak vă hơnơ̆ng dăr hơlen găh tơdrong pơm glăi hơlĕnh pơdăr iŏk tơgar mŭk drăm.

VOV4.Bahnar - Ƀlep 2h50 pơnĭt kơ sơ̆ ‘năr 7/4 (jơ tơring), Kơdră Kuôk hô̆i Vương Đình Huệ păng Khŭl tang măt gĭt kăl teh đak bơ̆n hlôi truh tơ̆ Anih tơm Bắc Kinh, pơtơm blŭng ‘măng năm ngôi tơ̆ teh đak CHND Trung  Hoa.

VOV4.Bahnar - Tơ̆ dêh char Kon Tum pơgơ̆r “Năr pai tơmam xa ‘lơ̆ng ăn hơiŏh mâm non” sơnăm 2024, hăm tơdrong vang akŏm đơ̆ng hlŏh 40 anih pơtho pơhrăm mâm non.

VOV4.Bahnar - Pơyan phang sơnăm ‘nâu, yoa đak krong Mê Kông hrŏ truh 7% pơting hăm rim sơnăm kơna tơring teh tơmăn đak krong Cửu Long đei đak ƀoh hrơm mât hrôih.

VOV4.Bahnar - Kơsơ brei, năr 5/4, tơ̆ bro đak dơsĭ dêh char Bà Rịa-Vũng Tàu, Hơnih tơm chĕp pơgơ̆r Bro Kanh sat đak dơsĭ 3 iung jang hơdoi hăm Khul lĭnh vei lăng jih đak dơsĭ Ấn Độ pơgơ̆r pơhrăm hơdoi găh bơ̆ jang tang găn tơdrong răm đak dau kơsĭ, hram lĕch, hơmet pơ ‘lơ̆ng cham char păng tơchă dŏng, pĭt ŭnh sa tơ̆ đak dơsĭ.

VOV4.Bahnar - Lăp đơ̆ng rŏng pơtôch Vang pơhrăm dơ̆ng trpong jang chĕp pơgơ̆r Khul kơdră kơpal sơnăm 2024, Kơ iĕng Thủ tướng Lê Minh Khái hlôi tơƀơ̆p păng pơma dơnuh hăm minh ƀar ‘nu kơdră păng hơnih mơdro sa tơm kơ Mi tơ̆ Washington.

VOV4.bahnar - Pơgê năr 5/4, tơ̆ Hà Nội, Jơnŭm atŭm Hơp tak xah Việt Nam pơgơ̆r hop akŏm trư̆k tuyên “Atŏk tơ iung păng hơvơn khul jang hơgei ăn tơring jang mŭk drăm tơpôl, hơp tak xah”.

VOV4.Bahnar - Tơ̆ hop akŏm Khul kơdră chĕp pơgơ̆r Đảng dêh char Gia Lai ‘măng mă 15 pơgơ̆r lơ̆m năr 5/4, Hơnih vei lăng trong nơnăm dêh char hlôi tơroi tơbăt găh hơmet ming trong jang tơmơ̆t jên jang pơm trong Gre rĕnh Pleiku-Quy Nhơn đơ̆ng kiơ̆ trong jang hơdoi teh đak hăm kon pơlei ‘măng mă blŭng jing kiơ̆ trong Teh đak tơmơ̆t jên jang, kiơ̆ kơ ‘noh gô tơjur 6.500 ti hlak jên pơtêng hăm chă hơlen ‘măng mă blŭng. 

VOV4.Bahnar - Dôm sơnăm âu ki, rim jơhnơr kăn ƀô̆, linh kanh sat cơ động Công an dêh char Đắk Lắk kŭm hăm dôm khul linh vang tơblăh tang găn ‘lơ̆ng dôm tơdrong yoch krê hơmơt, năm ƀa trui, chă rôp Fulro, vei lăng sơđơ̆ng teh đak, vei kơjăp tơdrong sơđơ̆ng lơ̆m tơpôl. Khul linh chơt hơiă đei Đảng, teh đak hơpăh ăn hơnăn Khul linh tơblăh kơtang nuih mơng kŭm hăm lơ mê đai păng tơmam hơpăh kăp gĭt nai. 

VOV4.Bahnar – Kơsơ̆ ‘năr brei (5/4), tơ̆ Hnam Kuôk hô̆i, Kơdră Kuôk hô̆i Vương Đình Huệ hlôi pơma điê̆n thoăi trư̆k tuyê̆n hăm ƀok Samdech Techo Hun Sen, Kơdră Đảng Kon pơlei Campuchia, Kơdră Jơnŭm kơpal Tơgŭm jang ăn ƀok pơtao Campuchia, Kơdră Thươ̆ng viê̆n teh đak Campuchia.