VOV.Bahnar – Thủ tướng athei dôm anih jang đei ƀơm truh adrin jang hrĕnh ƀiơ̆ năr hơgăt truh 3 khei, pơm ‘lơ̆ng vă ƀât blŭng jăl khei mă III/2026 gơ̆h tơmât yoa.

VOV.Bahnar – ‘Năr brei (1/3), sơnăm mơlôh kơ Khul linh vei lăng tơring sơlam dêh char Đắk Lắk hrơ̆ch pơgơ̆r tơlĕch lơ tơdrong jang “Khei druh dăm”, “Khei 3 tơ̆ tơring sơlam” hơdai hăm hơtŏk tơdrong roi tơbăt găh pôk rơih bơngai tang măt Quốc hội jăl XVI păng Jơnŭm pơgơ̆r kon pơlei jơ̆p tơring đơ̆ng 2026-2031 tơ̆ tơring sơlam.

VOV.Bahnar - Tơdrong jang hơmet ăn Năr pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei rim tơring jăl jang 2026–2031 tŏk bŏk đei hăt hot tơlĕch jang tơ̆ jơ̆p lơ̆m dêh char Khánh Hòa.

VOV.Bahnar - Kơdră vei lăng Anih sek tơlang Kon pơlei gĭt kăl Nguyễn Văn Quảng kŭm hăm dôm bơngai lĕch pơjei bơngai tang măt Quốc hội jăl XVI găh anih jang pôk rơih kơsô̆ 1 dêh char Lâm Đồng hlôi tơƀơ̆p pơma dơnuh hăm bơngai tăh hla dôm xăh Đức Trọng, Hiệp Thạnh, Ninh Gia, Tà Hine, Tà Năng, Tân Hội păng Gia Hiệp. 

VOV.Bahnar - ‘Năr brei (1/3), Kơdră Anih tơm jang tơbôl Lê Hoài Trung kŭm hăm dôm bơngai lĕch pơjei tang măt Quốc hội jăl XVI găh Anih jang pôk rơih kơsô̆ 4, pơlei tơm Huế hlôi đei dôm ‘măng tơƀơ̆p pơma dơnuh hăm bơngai tăh hla tơ̆ dôm xăh Lộc An, Hưng Lộc, Nam Đông, Khe Tre păng Long Quảng.

VOV.Bahnar - ‘Năr (01/03), tơ̆ Quảng Ngãi, Anih jang Đảng dêh char, Jơnŭm pơgơ̆r kon pơlei, Anih vei lăng kon pơlei, Anih  Mặt trận Tổ quốc Việt Nam dêh char Quảng Ngãi pơgơ̆r pơm Lêh tơbăt 120 sơnăm Năr rơneh kơ nhap ƀok Thủ tướng Phạm Văn Đồng (01/03/1906-01/03/2026).

VOV.Bahnar - Kŭm hăm hơmet pơ kĕh dôm trong jang kiơ̆ tơdrong hơgăt, dêh char Khánh Hòa oei chă hơlen năng dơ̆ng hơnăn dôm bơngai tăh hla, hơtŏk tơdrong roi tơbăt, tơlĕch jang hrơ̆ch ‘lơ̆ng dôm tơdrong gĭt kăl, pơm ‘lơ̆ng vă rim bơngai gơ̆h năm pôk rơih ngăl, bơ̆ jang tôm hơnăp jang đơ̆ng kon pơlei, vang tơgop ăn tơdrong jơnei đơ̆ng tơdrong pôk rơih păng pơjing khul kơdră pơgơ̆r tơring pran kơjăp.

VOV.Bahnar – Lơ̆m tơdrong chơt hơ-iă blŭng puih mak Bính Ngọ 2026, kơsơ̆ năr 26/2 tơ̆ Hà Nội (dang ah năr 10 Têt) Tổng Bí thư Tô Lâm truh hơpong ngôi păng thơ thou Têt hăm Hơnih tơm Hơlen vei sơđơ̆ng tơpôl, Hơnih tơm Kŏng an.

VOV.Bahnar – Kơsơ̆ 'năr brei (26/2), Kơdră Kuô̆k hô̆i Trần Thanh Mẫn, Kơdră Jơnŭm pôk rơih kơ Teh đak atŭm hăm khul kơpal hlôi chă hơlen lăng tơdrong hơmet ăn pôk rơih tơ̆ pơlei tơm Hải Phòng.

VOV.Bahnar – Pơm kiơ̆ pơgơ̆r đơ̆ng Phŏ Thủ tướng Trần Hồng Hà ah 'măng hop akŏm trư̆k tuyê̆n mă 31 Jơnŭm pơgơ̆r jang kơ teh đak gah tơjră rôp you ka glăi, ưh đei tơroi păng ưh đe kiơ̆ pơkăp (IUU), Hơnih jang vei lăng kon pơlei dêh char Lâm Đồng 'nao pơtruh hla bar ăn rim hơnih jang, rim tơring athei pơm kiơ̆ kơjăp dôm tơdrong vei lăng duk rôp ka ưh đei tôm tơchơ̆t vă pơm jang.