VOV4.Bahnar – Pơgê năr 24/6, Hơnih jang vei lăng kon pơlei dêh char Đăk Lăk hlôi pơtơm 'Măng hop akŏm mă 10, hơlen, sek tơlang lơ tơdrong oei lơ̆m tơdrong pơgơ̆r kơ hơnih jang, hơdrol kơ khei năr dêh char Đăk Lăk 'nao pơtơm tơmơ̆t pơm jang đơ̆ng năr 1/7.

VOV4.Bahnar – Pơgê năr 24/6, ah 'Măng hop akŏm mă 27, Hơnih jang vei lăng kon pơlei dêh char Gia Lai hlôi hơlen Tơdrong iŏk yua mŭk drăm teh đak tơ̆ Hnam pơgang tơm dêh char lơ̆m hơnih jang hơdoi hăm Hnam pơgang Bình An Gia Lai, hăm kơsô̆ jên asong ming man hloh 350 tih hlj.

VOV4.Bahnar - ‘Măng pơlong tốt nghiệp THPT sơnăm 2025, dêh char Gia Lai đei hlŏh 16.200 ‘nu hŏk tro chih măt pơlong, lơ̆m noh đei 704 ‘nu hŏk tro chih măt năm pơlong kơdih. Jơ̆p lơ̆m dêh char hơmet 42 anih pơlong hăm 718 lăm pơlong.  

VOV4.Bahnar - Kơsơ̆ brei 23-6, tơ̆ Nam Định, Tổng Bí thư Tô Lâm păng Khŭl bơ̆jang kơ Trung ương bơ̆jang hămn Khŭl kơdră chĕp kơ̆l pơgơ̆r Anih jang Đảng dêh char dôm dêh char Nam Định, Hà Nam, Ninh Bình găh pơtôch tơlĕch jang, bơ̆jang kiơ̆ dôm tơdrong tơchơ̆t, pơtôch đơ̆ng Trung ương păng 1,2 hơnăp jang tơm găh hơtŏk tơiung mŭk drăm - tơpôl, vei sơđơ̆ng teh đak lơ̆m tơring 3 dêh char.

VOV4.Bahnar - Adrol sơ̆ yak hơvơl trong kiơ̆ Khul Fulro, lơ kon pơlei tơ̆ Lâm Đồng dang ei đei vih dơ̆ng hăm pơlei pơla, đei sơng iŏk hăm jơhngâm đon ‘lơ̆ng hơiă păng vang tơgŭm ăn lơ tơdrong đơ̆ng khul kơdră tơring. Gơnơm đei trong jang băt ‘mêm mơnat păng vang tơgŭm đơ̆ng tơpôl, đe sư ưh lăp mât oei xa hơdai đĕch mă oei jing dôm bơngai tơnăp, đei đon tơpăt ‘lơ̆ng, vang tơgop jơhngâm pơjing pơlei pơla.

VOV4.Bahnar - Pơgê (23/6), tơ̆ pơlei tơm Kon Tum, Khŭl chĕp kơ̆l pơgơ̆r Anih jang Đảng dêh char Kon Tum pơgơ̆r tơƀơ̆p muh măt kơdră chĕp kơ̆l tơm dơnơm 40 xăh, phường ‘nao kơ dêh char mơ̆t bơ̆jang sơđơ̆ng hloi đơ̆ng ‘năr 1/7 truh. 

VOV4.Bahnar - Pơgê (23/6), tơ̆ Anih bơ̆jang kơ Khŭl kơdră teh đak, Thủ tướng Phạm Minh Chính pơgơ̆r ‘măng hop akŏm kơ Khŭl kơdră chĕp kơ̆l teh đak vă ăn tơgop nơ̆r găh hla ar chih ming Tơdrong jang pơgơ̆r Pơdă tơƀôh tơdrong jơnei mŭk drăm - tơpôl ƀlep ƀơ̆t tơbăt 80 sơnăm Năr Quốc khánh.

VOV4.Bahnar - Kơsơ̆ năr 23/6, Hơnih bơ̆ jang Pơrô̆ jang kiơ̆ hơgrop dêh char Lâm Đồng, dêh char Bình Thuận păng dêh char Dak Nông hlôi iung jang pơlong năng 6 hơnih jang tơring hle.

VOV4. Bhanar - Tơdrong mŭk drăm-tơpôl kơ dêh char Dak Lăk lơ̆m dôm khei blŭng sơnăm 2025 hơnơ̆ng atŏk ‘lơ̆ng, hăm lơ tơdrong jang đei tŏk hơ iă. Dêh char jei jang keh đang rim trong jang hơmet ăn khul kơdră chĕp pơgơ̆r đơ̆ng rŏng hơgrop iung bơ̆ jang păng tŏk bŏk pơjing tơdrong tơchơ̆t Hop akŏm tih Kơdră tang măt Đang ƀô̆ dêh char ‘măng mă XVIII, jăl jang 2025–2030.

VOV4.Bahnar - Dêh char Bình Định gô iung jang hơdoi hăm dêh char Gia Lai pơgơ̆r jang pơlong năng khul kơdră jang điên tư tơ̆ 10 tơring, phương lơ̆m năr 25/6.