Lăp đơ̆ng pơgê hrôih, tơdrong chơt hơiă năr pôk rơih hlôi rơ ông tơ̆ dôm achon đak dơsĭ, hla kơ teh đak, băng rôn, chư chih đei pơrŏ ‘lơ̆ng tơ̆ dôm hơnih tăh kơphiê̆u. Bơngai tăh hla ‘noh jĭ kang ƀô̆, khŭl lĭnh păng kon pơlei lơ̆m achon hrŭk hơmet hơbăn ao mă pơ ‘lơ̆ng, chĕp ba kơthe bơngai tăh hla truh năm tăh hla. Ƀlep 7 jơ pơgê, dôm hơnih tăh kơphiê̆u hrơ̆ch pơgơ̆r pơih blŭng.

Lơ̆m jơhngơ̆m đon tơpăt tŏk bŏk đak dơsĭ, bơngai tăh hla đŏk lăng hơlen hơnăn bơngai lĕch pơjei hơdrol kơ tăh kơphiê̆u lơ̆m kơthŭng. Truh 11 jơ 30 pơnĭt ‘năr dơ̆ng atŭm lơ̆m năr, tơdrong jang pôk rơih tơ̆ 20 hơnih tăh kơphiê̆u hlôi jang đang ƀlep tơdrong hơgăt; dôm grŭp pôk rơih pơgơ̆r hơlen lăng kơphiê̆u, pơklap păng gơih kơphiê̆u pôk vih kông vă pơjao ăn Anih pơgơ̆r pôk rơih Tơring gĭt kăl Trường Sa.