VOV.Bahnar - Dôm năr ‘nâu, dôm tơring lơ̆m dêh char Khánh Hòa akŏm jơhngâm krao hơvơn bơngai tăh hla năm pôk rơih, chă hơlen năng tơdrong hơgăt mưh pôk rơih, hơlen năng hơnăn dôm bơngai lĕch pơjei, tơdrong arih, bơ̆ jang păng tơdrong vă jang đơ̆ng dôm bơngai lĕch pơjei. Đơ̆ng hơtŏk hơnăp jang bơngai đei kon pơlei lui yom lơ̆m kon pơlei Chăm, roi tơbăt  hăm nơ̆r Raglai tơ̆ tơring groi kông truh iŏk yoa kơmăy kơmŏk vă chă hơlen năng rim tơdrong tơroi, lơ trong jang rơgei, tôch hơiă tŏk bŏk tơgŭm ăn bơngai tăh hla chă rơih đei bơngai tang măt rơgei, đei đon ‘lơ̆ng vă dơ̆ng tang ăn kon pơlei.

VOV.Bahnar - Atŭm hăm kon pơlei tah hla jơ̆p teh đak, kon pơlei tah hla dêh char Lâm Đồng tŏk bŏk chơt hơ-iă lăng truh Năr pôk rơih kơ teh đak – năr pôk rơih bơngai tang măt Kuô̆k hô̆i jăl 16 păng bơngai tang măt Hô̆i đŏng kon pơlei dôm jăl jang, sơnăm 2026 - 2031 đei pơgơ̆r ah ‘năr tơpơh năr 15/3. Đơ̆ng tơring đak dơsĭ truh groi kông, đơ̆ng tơring kon pơlei oei xa truh hnam trưng đăi hŏk, tơdrong hơmet ăn năr pôk rơih tŏk bŏk oei pơlan să hăm sơnong jang tơnăp, đon lui păng tơdrong hơpơi ‘meh đơ̆ng kon pơlei hăm rim bơngai tang măt ăn kon pơlei, iŏk sơnong jang trăp hloh lơ̆m jăl jang ‘nao.

VOV.Bahnar - Jang kiơ̆ tơdrong krao hơvơn vang roi tơbăt păng tơgŭm ăn pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei jơ̆p tơring, jăl jang đơ̆ng 2026 - 2031, Anih jang đoan dêh char Lâm Đồng tơlĕch lơ tơdrong jang tôch đei yoa, pơm hơtŏk hơnăp jang đơ̆ng druh dăm sơnăm mơlôh mưh chă roi tơbăt păng pơvih ăn pôk rơih.

VOV.Bahnar - Pơjao tơdrong tơchơ̆t păng hơpăh pơkao, Thủ tướng Phạm Minh Chính đei nơ̆r hơiă hăm ƀok Trần Hồng Thái đei Đảng, Teh đak lui pơjao pơm bơngai chĕp kơ̆l Anih tơchĕng hơlen Khoa hŏk kơmăy kơmŏk Việt Nam.

VOV.Bahnar – Oei pă minh ƀar năr dơ̆ng, jê̆ 2,6 triu kon pơlei tah hla kơ dêh char Gia Lai gô atŭm hăm kon pơlei tah hla kơ jơ̆p teh đak năm pôk rơih bơngai tang măt ăn Kuô̆k hô̆i jăl 16 păng bơngai tang măt ăn Hô̆i đŏng kon pơlei dôm jăl jang sơnăm 2026 - 2031.

VOV.Bahnar - ‘Năr brei (12/3), tơ̆ Hơnih ƀlŏk hơdơ̆r kơ khŭl lĭnh Gạc Ma, xăhCam Lâm, Liên đoàn Lao động dêh char Khánh Hòa pơgơ̆r lêh soh nhang, dan pơkao ƀlŏk hơdơ̆r kơ đe lĭnh nuih mơng, lĭnh lôch tang ăn teh đak ƀlep ƀơ̆t tơbăt 38 sơnăm Tơdrong jang Gạc Ma 1988 (14/3/1988 - 14/3/2026).

VOV.Bahnar - Đunh kơ sâu 51 sơnăm, Tơdrong tơblăh Tây Nguyên pơih blŭng ăn tơdrong jơnei, pơjing đei hơyak gĭt kăl, pơih đei tơdrong ‘lơ̆ng ăn tơdrong tơblăh tih Pơyan Puih mak sơnăm 1975, năm truh tơdrong iŏk rơngei đĭ đăng tơring Pơbăh, pơjing đei 1 teh đak kơjăp ‘lơ̆ng. Đơ̆ng kơdrăn tơblăh tôch krưp krĕnh sơ̆, tơring bri kông hrei ‘nâu oei jang tŏk tôch pran, jing tơring gĭt kăl găh jang mŭk drăm, khul linh, vei lăng sơđơ̆ng teh đak.

VOV.Bahnar - Lơ̆m ‘năr 11 păng 12 khei 3, Anih tơm pơgơ̆r Khŭl lĭnh dêh char Đắk Lắk năm hơlen lăng tơdrong jang hơmet ăn pôk rơih păng hơnăp bơ̆ jang tơ̆ dôm anih jang ƀơm truh păng dôm xăh, phường tơm lơ̆m dêh char.

VOV.Bahnar - Pơgê brei (12/03), tơ̆ Grŭp jang Kơmăy kơmŏk - Viễn thông Khŭl lĭnh (Viettel), khŭl bơ̆jang đơ̆ng Thủ tướng Phạm Minh Chính păng kơdră chĕp kơ̆l dôm Anih tơm, anih jang Trung ương hlôi bơ̆jang hăm Anih tơm vei lăng khŭl lĭnh găh hơtŏk tơiung kơmăy kơmŏk khŭl lĭnh.

VOV. Bahnar - Lăp pă mĭnh ƀar năr ‘noh, bơngai tăh hla lơ̆m teh đak gô vang năm tăh hla pôk rơih kơdră tang măt Kuô̆k gô̆i jăl XVI păng Kơdră tang măt Jơnŭm vei lăng kon pơlei rim kâp jăl jang 2026-2031. Tơ̆ dôm tơring sơlam teh đak kơ dêh char Dak Lăk, bơngai tăh hla tŏk bŏk hưch hanh gô chang năr lêh kơ pơđĭ kon pơlei, iung năm lăng hơlen rim bơngai pơjei vă iung jang hơnăp jang păng sơnong jang kơ kon pơlei tôm tong, ƀlep hăm tơdrong tơchơ̆t.