VOV4.Bhanar - Lăp đơ̆ng rŏng hơgrop dêh char Kon Tum, dêh char ‘nao Quảng Ngãi đei 9 tơring sơlamn teh đak. Bơ̆ jang ‘lơ̆ng hơ iă khul kơdră chĕp pơgơ̆r 2 kâp, tơ̆ rim tơring sơlam teh đak kơ dêh char hlôi đei kơdrơ̆m kon pơlei năm truh hơih bơ̆ jang tơring hle vă pơm hla bơar. Kon pơlei jei chơt hiôk, lăp đon găh trong bơ̆ jang đơ̆ng đe kang ƀô̆.

VOV4.Bahnar - Tơdrong hơrih sa tơpôl roi năr roi rơ ông rơ ang ‘noh ŭnh hnam sa roi đei tơnăp jang kăl hloh dơ̆ng, tơgŭm ăn rim bơngai đei tơdrong sơđơ̆ng dơ̆ng kơjăp. Mă lei rim ŭnh hnam jei kăl đei rim bơngai lơ̆m ŭnh hnam vei lăng năng tông kiơ̆ trong trŏ lăp, vă roi năr roi đei hơrih sa phĭ tơtŏ dơnŏ ‘lơ̆ng, hơnŭk hơnoa.

VOV4.Bahnar – Kơsơ̆ năr 3/7, Thủ tướng Phạm Minh Chính pơgơ̆r Hop akŏm trư̆k tuyê̆n Jơnŭm pơgơ̆r teh đak hăm 34 dêh char, pơlei tơm păng chô̆ pơdah hăm hloh 3.300 xah, phương lơ̆m jơ̆p teh đak.

VOV4.Bahnar – Năr 3/7, Tĭnh uy Lâm Đồng pơgơ̆r Hop akŏm tơbang dôm tơchơ̆t đei tơrĕk truh jơnŭm pơgơ̆r păng tơdrong jang kang ƀô̆ tơ̆ rim anih jang Đảng, jơnŭm pơgơ̆r dêh char.

VOV4.Bahnar – Tơ̆ Hà Nội, Thủ tướng Phạm Minh Chính truh Hop akŏm Khul linh păng chinh trĭ kơ đĭ đăng khul linh lơ̆m 6 khei blŭng sơnăm 2025, vă hơlen năng rim tơdrong jang đei găh khul linh, vei sơđơ̆ng teh đak lơ̆m 6 khei âu ki păng tơlĕch trong jang, tơdrong vă jang ăn 6 khei hơtuch sơnăm.

VOV4.Bahnar – Lơ̆m 'măng năm pơm jang păng vang Hop akŏm kơpal Đe Drăkăn jơ̆p Kơpal teh tơ̆ Berlin, Phŏ Kơdră teh đak bơ̆n Võ Thị Ánh Xuân hlôi pơma đam hăm Phŏ Kơdră Kuôk hô̆i Đức Bodo Ramelow tơ̆ anih jang Kuôk hô̆i teh đak Đức.

VOV4.Bahnar – Năr 3/7, Anih jang vei lăng kon pơlei dêh char Đăk Lăk pơgơ̆r Hop akŏm tơbang dôm tơchơ̆t đơ̆ng Kơdră Anih jang vei lăng kon pơlei dêh char gah tơdrong jang kang ƀô̆. Hăm dôm tơchơ̆t 'nao, jơnŭm pơgơ̆r kơ dôm anih jang hanh chĭnh tơ̆ Đăk Lăk đơ̆ng rŏng kơ tơmơ̆t hơdai hlôi keh đang, vei sơđơ̆ng tơdrong pơm jang tơnăp.

VOV4.Bahnar - Gơmăng hei (2/7), Tổng Bí thư Tô Lâm hlôi pơma đam păng điên thoăi hăm Ƀok kơdră tơm Hoa Kỳ Donald Trump găh tơgoăt tơgoăl Việt Nam - Hoa Kỳ păng pơma đam găh thuê̆ tĕch răt dih băl ƀar teh đak.

VOV4. Bahnar - Kơsơ̆ năr 2/7, tơ̆ Hà Nội, Hơnih chĕp pơgơ̆r 35 Trung ương pơgơ̆r Hop akom pơtôch jang 6 khei blŭng sơnăm păng tơlĕch tơdrong jang kăl lơ̆m 6 khei hơtuch sơnăm 2025.

VOV4.Bahnar - Tơ̆ hop akŏm, Jơnŭm vei lăng kon pơlei dêh char Dak Lăk hlôi tơbăt hơdăh Tơdrong tơchơ̆t đơ̆ng Hơnih bơ̆ jang Khul kơdră chĕp pơgơ̆r Kuô̆k hô̆i găh tơdrong pôk hơtŏk kơdră chĕp pơgơ̆r rim kơchư̆k chĕp pơgơ̆r tơm dơnơm.