VOV.Bahnar - Vă vei sơđơ̆ng pôk rơih bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei rim tơring jăl jang 2026–2031 pơgơ̆r ƀlep khôi luơ̆t, tơpăt, rơđăh ‘lơ̆ng, dêh char Đắk Lắk pơjing 11 khŭl dăr hơlen vă răp hơlen tôm tơdrong jang pôk rơih lơ̆m dêh char.  

VOV.Bahnar - Kơsơ̆ brei (13/01), tơ̆ Hnam Quốc hội, Kơdră Quốc hội Trần Thanh Mẫn hlôi sơng Bơngai tang măt gĭt kăl kơ teh đak Campuchia Chea Kimtha, Bơngai tang măt gĭt kăl kơ teh đak Mi Marc Knapper truh kơkuh tơklăh ti ƀlep ƀơ̆t ‘măng dôm Bơngai tang măt pơtôch jăl jang tơ̆ Việt Nam.

VOV.Bahnar – Kơsơ̆ 'năr brei (13/01) tơ̆ Hơnih jang kơ Jơnŭm pơgơ̆r teh đak, Jơnŭm pơgơ̆r jang kơ teh đak gah hơmet răm đơ̆ng ƀôm min păng pơgang pơnhŭl hoă hŏk đơ̆ng rŏng kơ tơdrong tơblah Việt Nam (Jơnŭm pơgơ̆r 701) pơgơ̆r Hop akŏm pơtôch tơdrong jang kơ teh đak gah hơmet răm đơ̆ng ƀôm min đơ̆ng rŏng kơ tơdrong tơblah jăl sơnăm 2010-2025.

VOV.Bahnar – 'Năr brei (13/01) lơ̆m 'măng năm tơmang păng pơm jang tơ̆ Singapore, Phŏ Thủ tướng teh đak bơ̆n Nguyễn Hòa Bình hlôi pơma đam hăm Ƀô̆ trương Kơpal Singapore Lý Hiển Long.

VOV.Bahnar – Tơ̆ Hop akŏm pơtôch tơdrong jang sơnăm 2025 păng tơlĕch sơnong jang ăn sơnăm 2026 kơ Hơnih jang vei lăng kon pơlei dêh char Đăk Lăk, đe kơdră dêh char băt hơdah, mă ƀơm răm kơtang đơ̆ng 'mi kial đak hơbông păng dôm tơdrong tơsŭl tơsăl tih đơ̆ng rŏng kơ tơmơ̆t hơdai hơnih jang hanh chĭnh, tơring adoi oei vei sơđơ̆ng tơdrong hơtŏk tơ-iung, pơm trong kăp gĭt vă yak ah jăl jang pran 'nao.

VOV.Bahnar – Jô̆ atŭm pơđĭ 3 tơdrong ming man, kơsô̆ hô sơ athei hrŭ 'mong iŏk teh ming man đei kĭ pơkăp kla đei jơnei hloh 87%.

VOV.Bahnar - Phŏ Thủ tướng lăng ‘lơ̆ng jơhngơ̆m đon jang tơnăp, tơdrong mơ̆t jang kơtang đơ̆ng dêh char Gia Lai lơ̆m tơdrong bơ̆jang kiơ̆ “Tơdrong jang Quang Trung”, kŭm hăm tơdrong tơgŭm đei yua đơ̆ng ƀô̆ đô̆i, kŏng an.

VOV.Bahnar - Pơgê 13/1, Thủ tướng Phạm Minh Chính pơgơ̆r ‘Măng hop akŏm mă 5 kơ Anih pơgơ̆r jang Trung ương găh tơdrong jang tơgŭm hnam oei păng tĕch mơdro teh, hnam.

VOV.Bahnar - Kơdră chĕp kơ̆l Ban Bí thư athei dôm anih jang hơnơ̆ng jang hơdoi mă kơjăp, hơlen năng mă ‘lơ̆ng rim tơdrong, adrol kơ pơgơ̆r hơlen năng mă hơtuch ăn Hop akŏm Đảng.

VOV.Bahnar - Pơgê 13/1, Anih chĕp kơ̆l pơgơ̆r khul linh dêh char Lâm Đồng pơgơ̆r hop akŏm pơtôch Tơdrong jang Quang Trung, hơlen năng rim tơdrong adrin hơmet ming, man ‘nao hnam ăn kon pơlei pŭ răm đơ̆ng ‘mi kial kơnê̆.