Truh đĭ khei 9, Lâm Đồng đei 8.160 tong duk rôp ka đơ̆ng 6 met tŏk tơ̆ kơpal hlôi chih măt, tơmơ̆t lơ̆m chih akŏm yư lĭu tơdrong jang ka kơ teh đak. Tơrĕk hloh noh, kơsô̆ duk rôp ka đei ƀôh pơm glăi IUU oei lơ. Đơ̆ng blŭng sơnăm truh dang ei, khul juăt jang kơ dêh char hlôi tơlĕch hloh 1.200 'măng chă dăr hơlen lăng hloh 6.700 duk rôp ka, ƀôh đei 212 tong duk pơm glăi, pơkăp hrŭ hăm jên hloh 3,7 tih hlj. Dêh char Lâm Đồng adoi chă hơlen sơkơ̆t hơdah pơhlom 300 duk rôp ka đei ƀôh chă rôp you glăi tơ̆ tơring đak dơsĭ teh đak đe păng 864 tong duk ưh đei tôm pơkăp jang rôp you ka, vă asong khul jang vei lăng kơjăp duk rôp ka păng bơngai jang lơ̆m duk.

Jơnŭm pơgơ̆r jang kơ teh đak kơchăng vei lăng duk rôp ka tơ̆ Lâm Đồng adoi oei đei lơ tơdrong kăl kơ hơmet 'lơ̆ng. Kơsô̆ duk đei ƀôh pơm glăi păng duk ưh đei tôm pơkăp vă pơm jang oei lơ hăm hloh 1.500 tong. Hăm tơdrong tơchơ̆t tơjră rôp you glăi IUU, Hơnih jang vei lăng kon pơlei dêh char Lâm Đồng hlôi tơbang 2 hơnih dơ̆ng oei ăn kơ duk rôp ka, vă chih akŏm tơdrong mơ̆t lĕch rim năr. Hơlen lăng dôm hơnih mă duk hơnơ̆ng kơ vih vơ̆t, atŭm hăm noh pơjing sơnong jang ăn rim tơring chă hơlen lăng duk mơ̆t lĕch tơ̆ hơnih dơ̆ng ou.