Jăl I/2026, rim jăl jang tơ̆ Đăk Lăk hlôi tơlĕch jang drơ̆ng minh sơnong jang hơtŏk mŭk drăm – tơpôl, vei sơđơ̆ng tơpôl teh đak, pơjing hơnih jang chinh trĭ tơnăp. Tĭnh uy hlôi pơtơm tơdrong jang kiơ̆ dôm tơchơ̆t đơ̆ng Trung ương păng tơchơ̆t hơtŏk tơ-iung jăl sơnăm 2026–2030, vă pơm trong ăn dôm hơnih jang hơdah hăm tơdrong jang tơpă. Tơdrong pơ-'lơ̆ng Đảng, akŏm kang ƀô̆ hơlen lăng, pơrô̆ pơrôp kon pơlei, hơmet 'lơ̆ng hanh chinh đei pơm jang tơnăp; tơdrong jang Măt trâ̆n ang hơdah hăm tơgŭm Têt păng hơmet ăn tơdrong pôk rơih.

Sơkơ̆t ah tôch hop akŏm, Phŏ Ƀĭ thư Hơnih jang Tĭnh uy Đăk Lăk, yă Cao Thị Hòa An pơgơ̆r hăm rim jăl jang dah tenh kuăng keh đang tơdrong jang đơ̆ng rŏng kơ pôk rơih, ưh lê̆ đei tơhlăk tơhlĭn lơ̆m pơm jang; akŏm jang ăn hơtŏk tơ-iung, iŏk tơdrong jơnei pơm kiơ̆ tơchơ̆t vă pơkăp hăm đe kang ƀô̆. Atŭm hăm noh, hơtŏk tenh jên asong jang kŏng, pơklaih hơnih tơhlăk, pơtôch lê̆ tơdrong adar lơ̆m tơlĕch jang; kơhret ki luơ̆t, hơtŏk tơnăp jơnŭm pơgơ̆r jang, hơtŏk hơmet 'lơ̆ng hanh chinh, tơplih kơmăi kơsô̆; vei sơđơ̆ng jang đơ̆ng tơring. Mă kăl noh, dêh char Đăk Lăk athei akŏm jang hơdah păng jang kơjăp 9 tơchơ̆t jang đơ̆ng Hơnih tơm Chinh trĭ, pơm trong ăn hơtŏk tenh, kơjăp sơđơ̆ng lơ̆m jăl jang truh.