Pơma hơdăh, jên vă tơmơ̆t jên jang hơtŏk tơiung tơ̆ năp kơnh ‘noh tôch kơ lơ, athei tơlĕch ăn ‘noh jĭ iŏk yua jên jơnei, ưh kơ lê̆ đei ƀôh sa pơgơ̆m pơjĭp, brăh brư, Tổng Bí thư Tô Lâm athei rim kơdră đảng, khŭl jang đảng, anih jang kơpal hơnơ̆ng akŏm chĕp kơ̆l, pơgơ̆r tơlĕch jang kiơ̆ đei yua dôm hơnăp jang, hăm đon tơchĕng khŏm jang mă đei, hơdrin, pơma tŏ sĕt jang lơ, pơm tơplih ‘lơ̆ng tơpă vă kon pơlei ƀôh, kon pơlei lăp đon, kon pơlei tơgŭm.

Tơtă truh găh dôm hơnăp jang tơm tơ̆ hơnăp kơnh, Tổng Bí thư Tô Lâm athei akŏm jang kiơ̆ ‘lơ̆ng dôm trong jang đơ̆ng Đảng găh sek phak dôm tơdrong yoch, tơdrong sa pơgơ̆m pơjĭp, brăh brư; hơtŏk loi dơ̆ng vei lăng tơdrong chĕp kơ̆l tơklep hăm jang đang khŭl kơdră chĕp kơ̆l tơring 2 tăl; tŭn hrĕnh dăr hơlen, sek tơlang pơtôch dôm tơdrong glăi đei tơpôl bơngơ̆t truh. Tổng Bí thư Tô Lâm kŭm athei tŭn pran tang găn sa pơgơ̆m pơjĭp, brăh brư tơklep hăm ‘meh vă hơtŏk tơiung.