Thủ tướng pơgơ̆r hăm rim hơnih jang tơm, rim tơring athei kơchăng, hơbĕch, tơnăp hloh dơ̆ng lơ̆m tơdrong sek tơlang dôm tơdrong tơhlăk, kiơ̆ tơdrong pơm kiơ̆ kơjăp dôm tơdrong pơgơ̆r jang đơ̆ng Hơnih tơm Chinh trĭ, Kuô̆k hô̆i, Jơnŭm pơgơ̆r teh đak. Lơ̆m noh, keh đang dôm tơchơ̆t tơlĕch kiơ̆ trŏ pơkăp apŭng plenh teh mă lei athei mă trŏ hăm teh đak Việt Nam vă đei trong pơm jang drơ̆ng minh lơ̆m jơ̆p teh đak. Keh đang tôm hla bar asong jang, asong jên trŏ nhen tơlĕch ming man, khŏm mă tơjră hăm tơdrong xa pơjĭp, kơnê̆, pơyua ăn khul grŭp.

Thủ tướng pơgơ̆r hăm rim tơring dah akŏm hrŭ 'mong teh iŏk ming man, asong hơnih oei 'nao mă tơtenh, tơdrong hơrih kon pơlei tơ̆ hơnih 'nao 'lơ̆ng hloh kơ hơnih oei so, vei mah mai tơdrong kăl ăn hơrih xa, tơdrong jang xa ăn kon pơlei. Thủ tướng pơjao ăn Hơnih tơm Jên hu tenh kuăng hơlen, kĭ pơkăp Tơdrong jang kơ Hơnih tơm jang gah trong gre treng Việt Nam; Hơnih tơm jang Tĕch Pơdro keh đang hla bar kăl vă kĭ pơkăp Tơdrong ming man trong gre treng lơ̆m khei 3 sơnăm 2026, atŭm hăm noh pơtoi tơlĕch trong jang hăm hơnih jang kơdră kơpal.