VOV.Bahnar – Năr (15/1), tơ̆ xah Phước Dinh, Hơnih jang vei lăng kon pơlei dêh char Khánh Hòa pơgơ̆r Lêh pơtơm yông kon pơlei jăk đơ̆ng hơnih man Hnam kơmăi Unh hơyuh hat nhơ̆n Ninh Thuận 1 – pơtơm tơdrong jang kăp gĭt vă vei sơđơ̆ng tơdrong tơlĕch jang dơnơm kơ teh đak, tơguăt hăm sơđơ̆ng tơdrong hơrih, trong jang xa đunh đai ăn kon pơlei tơ̆ tơring pơm jang.

VOV.Bahnar - Tơ̆ Hơnih gru gra gĭt kăl dăr sơnăm Đồng Khởi tơring Hòa Thịnh, Hơnih vei lăng kon pơlei dêh char Dak Lăk pơgơ̆r pơm lêh pơtôch tơdrong jang păng ba khul ƀô̆ đô̆i brŏk đơ̆ng jang “ ‘Măng iung jang Quang Trung”, jang keh đang tơdrong jang tơgum kon pơlei hơmet pơ ‘lơ̆ng ‘mi kial pơrăm, tơ iung pơjing păng ming hơmet hnam oei lơ̆m dêh char, iung brŏk tơ̆ hơnih bơ̆ jang.

VOV.Bahnar - Quân khu 5 hlôi tơbăt hơdăh păng pơjao hla bơar tơchơ̆t pôk tơmơ̆t kiơ̆ jơ ‘năr hăm 102 ‘nu sĩ quan iŏk bơ̆ jang pơm Kơdră chĕp pơgơ̆r Hơnih Ƀô̆ đô̆i rim tơring, phương lơ̆m dêh char Dak Lăk.

VOV. Bahnar - Kiơ̆ đơ̆ng Thủ tướng, jang kiơ̆ trong tơlĕch ăn tơlĕch yuh ‘mê̆ ‘mach hơtŏ hăm “0” ‘noh tơdrong long tih tên mă lei jei pơih trong rơvơn vă hơmet ming tơdrong jang mŭk drăm kiơ̆ rơgoh ‘lơ̆ng, kơjăp ‘lơ̆ng, pơm hơtŏk tơdrong pơm tơm kơdih păng kĕ pơjei.

VOV. Bahnar -  Kơsơ̆ năr 14/01/2026, tơ̆ Hơnih bơ̆ jang Trung ương Đảng, Tổng Bí thư Tô Lâm hlôi sơng pơma dơnuh hăm yă Chea Kimtha, Kơdră tang măt teh đak Campuchia truh kuh ka hla bat tơklăh ti ƀlep lơ̆m jơ ‘năr pơtôch bơ̆ jang tơ̆ Việt Nam.

VOV.Bahnar - Tŏk bŏk bri kông Tây Bắc, tơring lăp joăt gơnang lơ̆m mir kông, ‘nhik tơgăk, tĕch kơtă tơmam drăm, dang ei hlôi đei ƀôh mĭnh um rup tôch kơpha: Dôm điên thoăi hơgei druh kiơ̆ jơ̆ng kon pơlei năm tơ̆ mir. Đơ̆ng mạng tơpôl, hơnih tĕch mơdro điên tư, kon pơlei choh jang sa Lào Kai tŏk bŏk lui kơjăp hăm tơmam drăm kơdih jang sa đei, tơƀôh hơdăh kơtă truh hăm bơngai răt yoa. Mĭnh trong hle đơ̆ng mir ƀa truh hăm kmăi kmŏk kơsô̆-tŏk bŏk pơih trong ‘lơ̆ng ‘nao, hơnhăk đei iŏk yoa kơjăp găh mŭk drăm tơring groi kông.

VOV.Bahnar -  Năr 14/1, tơ̆ Hơnih bơ̆ jang Khul kơdră chĕp pơgơ̆r Teh đak, Thủ tướng Phạm Minh Chính, Kơdră Hơnih chĕp pơgơ̆r Teh đak găh Vang mơ̆t hơdoi apŭng plĕnh teh pơm tơm Hop akŏm pơtôch bơ̆ jang sơnăm 2025 păng tơlĕch tơdrong jang sơnăm 2026.

VOV.Bahnar – Kơsơ̆ năr 14/1, tơ̆ Hơnih hŏk hôp kơ Teh đak (Hà Nội) pơgơ̆r Lêh pơtơm Hơnih chih Hla bar tơroi păng hop akŏm hla bar tơroi Apŭng plenh teh gah Hop akŏm bơngai tang măt jơ̆p teh đak mă 14 kơ Đảng.

VOV.Bahnar – Hơnih jang vei lăng kon pơlei dêh char Gia Lai 'nao tơbang tơchơ̆t hơvơn asong jang 3 tơdrong jang pơm tơlĕch unh hơyuh đơ̆ng kial tih hloh đei Hnam kơmăi unh hơyuh đơ̆ng kial Vân Canh 1, Vân Canh 2 păng Vĩnh Thuận, hăm kơsô̆ jên asong jang hloh 19.000 tih hlj.

VOV.Bahnar - ‘Năr 14/1, tơ̆ Hà Nội, Tổng Bí thư Tô Lâm, Bí thư Quân ủy Trung ương vang truh pơm Lêh pơjao Hơnăn pôk pơ ư kơ khŭl lĭnh kon pơlei nuih mơng ăn Anih pơvih pơvăn ăn khŭl lĭnh - Ki thuơ̆t (Anih tơm vei lăng khŭl lĭnh).