VOV.Bahnar – Tơ̆ hơnăp tơdrong krê hơmơt đơ̆ng ‘mi kial kơsô̆ 13 Kalmaegi, đei tơdra đei kial hơbŭt tôch dêh, tơhlu hrĕnh păng ƀơm truh tơring Nam Trung Bộ păng Tây Nguyên, lơ dêh char tơ̆ tơring oei tơlĕch lơ trong tơjră vă pơm tơjur ƀiơ̆ hiong răm đơ̆ng ‘mi kial hơbŭt.

VOV.Bahnar – Drâm kơsơ̆ ‘năr 4/11, tơ̆ Anih jang kơ Khul kơdră teh đak, Thủ tướng Phạm Minh Chính pơgơ̆r hôp ‘măng mă 20 kơ Anih pơgơ̆r jang ăn teh đak găh tang găn rôp yâu ka hơdang glăi luơ̆t, ưh đei roi tơbăt păng ưh đei pơm kiơ̆ tơdrong hơgăt (IUU), pơih trư̆k tuyê̆n hăm 21 dêh char, plt tơter đak dơsĭ.

VOV.Bahnar - Kơmăng năr (03/11) iung pơma ah Lêh Pơtôh Akŏm kơchơ Pơyan hla ruh 'măng mă mônh sơnăm 2025, Thủ tướng Phạm Minh Chính krao hơvơn jơnŭm jang mŭk drăm, kon pơlei păng khul linh jơ̆p teh đak pơtoi yak hơdoi, atŭm jơhngơ̆m tơgŭm, vang glơng tơdrong hiong răm, akŏm jơhngơ̆m vă kon pơlei ƀơm 'mi kial đak hơbông pơrăm, sơđơ̆ng jơhngơ̆m găn hloh tơnap tap, dah hrôih sơđơ̆ng tơdrong hơrih păng hơmet ăn tơdrong jang xa.

VOV.Bahnar – Kơsơ̆ năr (3/11), Anih jang vei lăng kon pơlei dêh char Đăk Lăk hop akŏm trư̆k tuyê̆n tơguăt hăm kơtă vă pơm kiơ̆ dôm trong jang tơjră hăm 'mi kial kơsô̆ 13 (Kalmaegi) păng 'mi kial đak hơbông lơ̆m tơring.

VOV.Bahnar – Hop akŏm tơgop nơ̆r ăn Chih akŏm Luơ̆t, hơmet tơplih minh ƀar tơdrong lơ̆m Luơ̆t Vei lăng hre kŏng, rim bơngai tang măt ăn Kuôk hô̆i pơtruh nơ̆r hơlen mă hơdah vă pơm trong hiôk ăn tơdrong jang vei lăng hre kŏng, vă teh đak hơtŏk tơ-iung; atŭm hăm noh pơjing đon lui ăn rim anih asong jang tơ̆ Việt Nam păng đon lui lơ̆m tơpôl kon pơlei

VOV.Bahnar - Tơ̆ tơring Ngọc Linh, dêh char Quảng Ngãi (sơ̆ găh apŭng Đak Glei, dêh char Kon Tum), teh tơdrŭt hơlih tơ̆ mĭnh groi tu đak hlôi pơm ăn 5 pơlei kơ bơngai Xdang ưh kơ gơh chă yak tơ̆ ou tơ̆ to.

VOV.Bahnar - Thủ tướng Teh đak Phạm Minh Chính ‘nao kĭ Hla bơar pơtrŭt kăl athei rim hơnih tơm, hơnih bơ̆ jang păng tơring akŏm hơmet pơ ‘lơ̆ng đơ̆ng ‘mi kial hơbut hơbông pơrăm kơtang tơ̆ tơring Trung Bộ.

VOV.Bahnar - Tơ̆ hơnăp ‘mi kial chrih chrĕng, rim dêh char Tây Nguyên tĕnh koăng iung jang tang găn hơlou.

VOV.Bahnar - Ƀok thây pơtho rơgei Ksor Chuel, 76 sơnăm, bơngai Jarai, đei hlŏh 30 sơnăm bơ̆ jang tơ̆ anih pơtho pơhrăm dêh char Gia Lai. Vih dơ̆ng tơ̆pơlei đơ̆ng rŏng kơ pơdơ̆h hưu, ƀok hơnơ̆ng vang jang lơ̆m dôm khul grŭp tơ̆ tơring, đĭ jơhngâm tơgop đon rơgei, jơhngâm pran păng tơmam drăm vă pơjing pơlei pơla. Ƀok hơnơ̆ng tơƀôh trong chong glung ăn lơ jơhnơr druh dăm Jarai adrin hŏk pơhrăm, bơ̆ jang.

VOV.Bahnar - Lơ̆m hla bơar chih tơbăt tơdrong bơ̆ jang Chinh trĭ pơtruh ăn Hop akom tih XIV kơ Đảng, nơ̆r chih “Vei lăng, iŏk yua jơnei mŭk drăm bri brăh, vei lăng cham char, iung jang gei kơ jăp hăm tơplih tŏ ‘mi kial” đei lăng jĭ mĭnh lơ̆m dôm tơdrong tơm kăl hloh kơ trong jang atŏk tơ iung kơjăp ‘lơ̆ng teh đak. Hăm tơring Tây Nguyên, tơring dơ̆ng pang ăn pơ đĭ Nam Trung Bộ păng Đông Nam Bộ, tơdrong mă ou ưh khan lăp trong iung jang kăl hloh, mă oei jing iung jang ƀôh hơdăh yan ou tŏk bŏk đei ƀôh rim năr.