Đơ̆ng rŏng kơ dăr hơlen kơtă tơ̆ Hơnih gre treng dơ̆ng Đồng Đăng, Lạng Sơn, Tổng Bí thư Tô Lâm sơkơ̆t hơdah, jang hơdoi Việt Nam - Trung Quốc gah trong gre treng jing tơdrong jang kăl păng jing trong hiôk, mưh jang tơnăp, vei lăng trŏ, noh ou gô jing minh lơ̆m dôm tơdrong jang hơdoi kăp gĭt, đei jơnei kơ 2 teh đak lơ̆m lơ sơnăm truh.   

Khei năr truh, vă tơlĕch jang đei jơnei tơdrong asong ming man trong gre treng, Tổng Bí thư akhan, athei đei trong chă hơvơn jên jang, chih pơkăp trong hơvơn jên jang kiơ̆ lơ trong jang păng sơđơ̆ng, tơguăt lơ tơdrong phara băl. Kơchăng hăm tơdrong chơ pơdŭ tơmam drăm kiơ̆ trong ưh đei pơkăp, Tổng Bí thư akhan, athei hơtŏk dôm jăl trong gre treng noh năm hơdoi hăm pơkăp dôm hơnih jang kŏng ngĭp, tơring kơdrơ̆m, hơnih jang logistics păng pơm tơlĕch tơmam drăm hơdoi hăm tơdrong jang mŭk drăm, vă pơjing đei kơjă kăp gĭt 'nao păng hơtŏk kơjă kăp gĭt lơ̆m teh đak.