'Nou jĭ tơdrong đei jơnei hơdah đei tơroi ah Hop akŏm pơjao tơdrong jang vei lăng tơring sơlam, tơdrong jang Đảng, tơdrong jang chinh trĭ ah jăl 1 sơnăm 2026 kơ Jơnŭm pơgơ̆r Ƀô đô̆i vei lăng tơring sơlam dêh char Đăk Lăk. Jăl 1 sơnăm 2026, Đảng uy, Jơnŭm pơgơ̆r Ƀô đô̆i vei lăng tơring sơlam dêh char Đăk Lăk, hlôi băt hơdah, iŏk jang tơnăp dôm tơchơ̆t đơ̆ng kơdră kơpal gah tơdrong jang kơ khul linh, vei lăng sơđơ̆ng teh đak, tơdrong jang vei lăng tơring sơlam. Rim hơnih linh hlôi drơ̆ng minh dôm tơdrong vei lăng kơjăp tơdrong pơgơ̆r kơdih kơ teh đak.

Khei năr truh, Ƀô đô̆i vei lăng tơring sơlam Đăk Lăk sơkơ̆t hơdah, pơtoi vei lăng kơjăp tơdrong pơgơ̆r tơring sơlam kơ teh đak; pơtoi tơjră; hơtŏk tơdrong pơtơ̆p pơhrăm; iung tơjră vă tang găn dôm tơdrong pơm yoch glăi; mă kăl tơrĕk truh tơdrong jang tang găn păng tơjră rôp you ka glăi, ưh đei tơroi hơdah păng ưh đei pơm kiơ̆ pơkăp (IUU).