VOV4.Bahnar - Jô̆ truh ƀât blŭng khei 5/2025, ddêh char Gia Lai man păng hơmet ming 6.712 tŏ hnam, iŏk đei 82% nơ̆r hơgăt sut pơđĭ vă jê̆ 8.500 tŏ hnam hiăh hiok lơ̆m dêh char. Mă tơpă ăn ƀôh, dêh char hlôi jang kiơ̆ ‘lơ̆ng trong jang tih đơ̆ng Trung ương, hơdai hăm ‘nŏh đei ƀôh lơ trong jang rơgei, tôch hơiă tơgŭm ăn tơdrong jang âu đei tơlĕch jang hrĕnh, đei yoa, mă loi tơ̆ tơring hơtăih yăih. Đơ̆ng noh tơiung jơhngâm đon hưch hanh, čhôk ‘nă mưh đei anih oei xa hiôk sơđơ̆ng, ‘lơ̆ng rŏ ăn dôm unh hnam dơnuh, pơlung đe sư đei dơ̆ng jơhngơ̆m đon hơdrin jang tŏk; vang tơgop bơ̆ jang đei jơnei ‘lơ̆ng tơdrong Tơchơ̆t đơ̆ng Khul kơdră teh đak.

VOV4.Bahnar - Tơ̆ hơnih bơ̆ jang Kơdră chĕp pơgơ̆r Teh đak, Kơdră chĕp pơgơ̆r teh đak Lương Cường hlôi pơm tơm pơm lêh tơbăt hơdăh păng pôk ăn hla bơar tơchơ̆t pôk pơmơ̆t 3 ‘nu Kơ iĕng Kơdră chĕp pơgơ̆r Hơnih bơ̆ jang ăn Kơdră chĕp pơgơ̆r Teh đak. 

VOV4. Bahnar - Hơnih vei lăng kon pơlei dêh char Dak Lăk ‘nao chih pơtruh hla bơar pơrô̆ athei rim hơnih jang păng tơring atŏk kơtang bơ̆ jang vei lăng sơđơ̆ng rơgoh tơmam drăm sa, tang găn soai hơnhul păng xek tơlang kơhret hơnih pơm glăi.

VOV4.Bahnar - Lơ̆m jơ năr năm ngôi tơ̆ teh đak Nga păng vang pơm Lêh tơbăt 80 sơnăm tơblăh jơnei lơ̆m Tơblăh vei lăng teh đak gĭt kăl, gơmăng ‘năr 9/5, hăm tơdrong dơ̆ng lăng đơ̆ng Tổng Bí thư Tô Lâm, Anih jang gre păr Teh đak (Vietnam Airlines) pơgơ̆r Lêh roi tơbăt hơdăh trong păr tơpăt đơ̆ng Hà Nội păng Moscow. 

VOV4.Bahnar -  Năr (9/5), dêh char Kon Tum pơgơ̆r Hop akŏm khoa hŏk tơroi tơbăt trong hlôh vao “Hơlen hơdăh tơdrong teh tơdrŏ tơ̆ Kon Tum-tơdrong đei ƀôh păng trong iung jang”.

VOV4.Bahnar - Anih vei lăng kon pơlei dêh char Gia Lai tŏk bŏk hăt hot tơlĕch dôm trong jang vă vei sơđơ̆ng tơdrong vei lăng đei yua dôm tơdrong jang tơmơ̆t jên jang teh đak lơ̆m khei ‘năr proh hơmet, hơmet tôm khŭl jang chĕp kơ̆l pơgơ̆r tơring.

VOV4.Bahnar - Dôm tơdrong adrin ưh đei pơdơ̆h đơ̆ng Khul lui phât Việt Nam păng Khul kơdră pơlei tơm HCM lơ̆m tơdrong pơgơ̆r lêh tih Vesak Liên Hợp quốc sơnăm 2025 đei khul tơpôl bơngai lui phât lơ̆m apŭng plenh teh chih răk păng tơchĕng ‘lơ̆ng. Kiơ̆ đơ̆ng noh ăn ƀôh khul lui phât Việt Nam roi đunh roi pran jing khul tơƀôh trong chong glung ăn dôm tơdrong jang lơ̆m apŭng plenh teh đơ̆ng Lui phât jơ̆p plei teh, vă pôk pơ ư tơdrong trŏ ƀlep đơ̆ng Ƀok phât yoa tơdrong rơngei pơvih ăn tơdrong arih kơ kon bơngai lơ̆m apŭng plenh teh hrei ‘nâu.

VOV4.Bahnar - Pơgê (09/05) tơ̆ Anih bơ̆jang Khŭl kơdră teh đak, Thủ tướng Phạm Minh Chính pơgơ̆r ‘măng ‘Măng hop akŏm kơ Khŭl kơdră teh đak găh tơdrong proh hơmet, pơgơ̆r dơ̆ng anih bơ̆jang rim tơring păng pơjing tơdrong jang pơgơ̆r khŭl kơdră tơring 2 tăl.

VOV4.Bahnar - Ƀlep ƀơ̆t Lêh tih Phật đản - Phật lịch 2569 - Dương lịch 2025, pơgê brei (9/5), khŭl bơ̆jang kơ Anih jang Đảng dêh char, Jơnŭm pơgơ̆r kon pơlei, Anih vei lăng kon pơlei, Anih jang Mặt trận Tổ quốc Việt Nam dêh char Đắk Lắk hlôi năm ngôi, thơ thŏu chơt hơiă kơ Khŭl pơgơ̆r lui Phât Việt Nam dêh char păng 1,2 anih jang lui Phât tơ̆ Buôn Ma Thuột.

VOV4.Baghnar – Kơsơ̆ brei (8/5), tơ̆ Anih jang kơ Khul kơdră teh đak Nga tơ̆ Moscow, Tổng Bí thư Tô Lâm đei jơ pơma nuh hăm Thủ tướng teh đak Nga Mikhail Mishustin.