VOV.Bahnar - Pơgê brei (17/12) tơ̆ Anih jang Trung ương Đảng, Tổng Bí thư Tô Lâm, Kơdră Anih pơgơ̆r jang kơ Trung ương găh jang đang tơdrong hơgăt păng khôi luơ̆t pơgơ̆r ‘măng hop akŏm mă 2 Anih pơgơ̆r jang.

VOV.Bahnar - Pơgê năr 16/12, Thủ tướng Phạm Minh Chính pơm tơm ‘măng hop akŏm Khul kơdră chĕp pơgơ̆r Teh đak găh bơ̆ jang hơmet ăn pơgơ̆r iung jang ming man, et hơtŏk, ăn gre kơdou rim tơdrong jang trong nơnăm kơkih chơt hơ iă Hop akom tih kơdră tang măt lơ̆m teh đak ‘măng mă XIV kơ Đảng.

VOV.Bahnar – Kơsơ̆ brei (16/12) tơ̆ Anih jang kơ Trung ương Đảng, Tổng Bí thư Tô Lâm pơgơ̆r jơ bơ̆ jang hăm Khul chĕp kơ̆l Đảng kơ Khul kơdră teh đak găh tơdrong jang kiơ̆ trong jang, tơdrong tơgŭm hăm bơngai đei kŏng hăm kăch mang; tơdrong jang sir chă, chih hơdăh hơnăn linh lôch tang ăn teh đak.

VOV.Bahnar – Kơsơ̆ brei (16/12), tơ Anih pơre nơ̆r kơ teh đak, Hà Nội, Radio nơ̆r pơma VN pơgơ̆r hop akŏm pơtôch tơdrong jang sơnăm 2025, tơlĕch tơdrong jang lơ̆m sơnăm 2026.

VOV.Bahnar – Kơsơ̆ brei (16/12), tơ̆ Đà Lạt, Anih vei lăng kon pơlei dêh char Lâm Đồng păng Anih tơlĕch trong jang gĭt kăl kơ Trung ương pơgơ̆r Hop akŏm roi tơbăt găh Hop akŏm apŭng plenh teh "Trong jang gĭt kăl vă atŏk tơiung Groi kông Di Linh".

VOV.Bahnar - Drơ̆m kơsơ̆ brei (16/12), tơ̆ Anih bơ̆jang kơ Khŭl kơdră teh đak, Thủ tướng Phạm Minh Chính sơng ƀok Fukuda Tomikazu, Kơdră chĕp kơ̆l dêh char Tochigi, Nhật Bản păng khŭl bơ̆jang tŏk bŏk năm ngôi, bơ̆jang tơ̆ Việt Nam.

VOV.Bahnar - Pơgê 16/12, Phó Thủ tướng Nguyễn Hòa Bình kŭm hăm Khul tang măt Quốc hội dêh char Bắc Ninh vang truh Hop akŏm tơƀâp bơngai tăh hla tơ̆ phường Võ Cường đơ̆ng rŏng kơ Hop akŏm mă 10, Quốc hội jăl XV.

VOV.Bahnar – Gah jơnŭm pơgơ̆r tơring 2 tăl, Tổng Bí thư athei hơtŏk tenh pơkăp hơnih jang, mŭk drăm atŭm, hơtŏk rơgei hăm khul kan ƀô̆ jang tơ̆ tơring, hơtŏk klah asong tơdrong pơgơ̆r jang.

VOV.Bahnar – Kơsơ̆ năr 15/12, Hơnih jang Tĭnh uy Đăk Lăk hlôi pơgơ̆r Hop akŏm Hơnih jang Tĭnh uy 'măng mă 7 vă sơkơ̆t hơdah tôm tơdrong jang mŭk drăm – tơpôl sơnăm 2025, atŭm hăm noh tơgop nơ̆r gah tơchơ̆t hơtŏk păng pơkăp asong jang ah sơnăm 2026.

VOV.Bahnar -‘Mi tih, đak lơ̆p lơ̆m dôm khei hơtuch sơnăm pơm hiong răm lơ hăm trong nơnăm kơ dêh char Lâm Đồng. Tơdrong teh hơlih, đak lơ̆p tơ̆ lơ jăl trong gĭt kăt kơ dêh char pơm ăn tơdrong yak vih vât đơ̆ng kon pơlei tôch mơmat păng krê hơmơt. Vă vei lăng ‘lơ̆ng trong gre tơ̆ dôm jăl trong đei đak lơ̆p, tih hơlih, khul kơdră chep kơ̆l păng khul jang kơpal kơ dêh char Lâm Đồng bơ̆ jang prăt măng prăt năr vă vei lăng ‘lơ̆ng dôm trong gre gĭt kăl, vă gre gơ̆h kơdâu hiôk hian.