Rim bơngai đei klăh asong tơ̆ 18 hơnih pôk rơih vă bơngai tăh hla rơih, pôk tơmơ̆t 85 ‘nu kơdră tang măt Jơnŭm vei lăng kon pơlei dêh char jăl mă XIII. Lơ̆m dôm bơngai đei hơnăn đei lơ kơdră chĕp pơgơ̆r dêh char Gia Lai. Mă hơdăh nhen ƀok Phạm Anh Tuấn - Kơdră chĕp pơgơ̆r Hơnih vei lăng kon pơlei dêh char, ƀok Rah Lan Chung - Kơdră chĕp pơgơ̆r Jơnŭm vei lăng kon pơlei dêh char. Hla bơar chih hơnăn jei đei lơ kơdră tang măt ăn kon kông nhen Jarai, Bahnar, Hrê; atŭm hăm vang mơ̆t đơ̆ng rim bơngai chĕp kơl lui khop, sơđơ̆ng ăn tôm tong, tang măt ăn rim răih Kon pơlei. Hrei ou hơnăn 138 ‘nu bơngai ăn pôk rơih hlôi đei pơklep tơƀôh hơdăh kiơ̆ tơdrong tơchơ̆t. Hrei ou bơ̆ jang hơmet ăn pôk rơih tơ̆ Gia Lai tŏk bŏk đei tơlĕch jang kơtang, ƀlep trong tơlĕch ăn. Lơ̆m dêh char đei 2.179 hơnih tăh hla, pơvih pơvăn ăn hloh 2 triu 580.000 ‘nu bơngai tăh hla.