Kiơ̆ trong pơprŏ jang, Khánh Hòa hơdrin tơ iung pơjing tơdrong choh jang sa iŏk đei jơnei kơjăp, sơđơ̆ng phe sa ƀa sŏng, tơgoăt kơjăp hăm trong hơlĕch ăn ba dêh char đei jing pơlei tơm găh Trung ương lơ̆m sơnăm 2027. Tơdrong tơm ‘noh atŏk tơ iung dôm tơdrong đei kơtang jang mŭk drăm đak dơsĭ, atŏk kơtang rong ka hơdang đak dơsĭ kmăi kmŏk hơgei, ba Khánh Hòa jing hơnih tơm rong đak dơsĭ teh đak; pơm pơkeh trong jang rong, rôp, pơm tơlĕch păng tĕch mơdro ka hơdang tơ̆ teh đak đe ‘lơ̆ng hơ iă. Dêh char tơlĕch ăn tŏk mŭk drăm tơdrong jang choh jang sa, rong ka hơdang hloh 3% lơ̆m sơnăm. Truh sơnăm 2030, tơdrong jang sa kơ tơring ou tơmơ̆t 8,5% akŏm tơmam drăm jang sa đei. Khul kơdră chĕp pơgơ̆r Đảng dêh char hlôi tơlĕch ăn 7 tơdrong jang tơm, athei rim kâp, hơnih jang akŏm iung jang hrơ̆p mĭnh ‘măng, pơjing đei tơplih kơtang lơ̆m atŏk tơ iung  choh jang sa, tơring choh jang sa lơ̆m khei năr kơnh.