Thủ tướng hơlen lăng, lơ̆m sơnăm 2025, Khŭl kơdră teh đak hlôi pơgơ̆r kơtang, tơlĕch ăn lơ tơdrong hiôk, tơdrong tơgŭm hơmet pơ ‘lơ̆ng mơmat tat ăn anih tĕch mơdro, mă loi ‘noh jĭ tơdrong jang hnam oei tơpôl; truh dang ei đĭ pơm đang hloh 100 rơbâu tŏ hnam. Hăm tơdrong ‘lơ̆ng păng jang hrĕnh dang ei đei, tơdrong hơgăt pơm đang  1 triệu tŏ hnam oei tơpôl lơ̆m sơnăm 2028 gô iŏk đei hrôih hloh tơchĕng hơdrol 2 sơnăm.

Mă lei, Thủ tướng tơƀôh hơdăh yan âu tŏk bŏk tơlĕch ăn ‘meh vă ‘nao, mă loi ‘noh jĭ ‘meh vă hnam oei đơ̆ng grŭp iŏk yua păh lăp. Tơ̆ ‘măng hop akŏm, Thủ tướng athei Anih pơgơ̆r jang drơ̆ng 1 nơ̆r đon tơchĕng, akŏm pơma dơnuh trong jang hơtŏk tơiung tơdrong ‘nâu, hơdai hăm hơtŏk hơnih tĕch hnam oei ăn lơ grŭp tơpôl, vei sơđơ̆ng tơdrong hơtŏ băl lơ̆m gơh răt hnam oei đơ̆ng kon pơlei, tơgop sơđơ̆ng tơdrong hơrih sa păng hơtŏk tơiung anih tĕch mơdro kơjăp.