Khŭl pơgơ̆r Pôk rơih dêh char pơgơ̆r 4 khŭl năm hơlen lăng kơtă tơ̆ dôm grŭp pôk rơih, hơnih tăh kơ phiê̆u, dăr hơlen rim trong pơgơ̆r, vei sơđơ̆ng trŏ luơ̆t, sơđơ̆ng ‘lơ̆ng, kơjăp. Truh dang ei 65/65 xăh, phường, tơring gĭt kăl tơ̆ dêh char Khánh Hòa hlôi jang đang đĭ tơdrong pơjing păng pơklep hơnăn bơngai tăh hla, chih tơroi tơdrong jang, oei sa, hŏk pơhrăm, jơhngơ̆m đon bơngai lĕch pơjei kiơ̆ ƀlep tơdrong hơgăt.

Rim tơring hơnơ̆ng dăr hơlen dôm bơngai ưh kơ oei dơnơ̆ng nhen năm jang tơ̆ đak dơsĭ đunh năr, năm pơm ƀô̆ đô̆i, krŭl...  vă vei sơđơ̆ng tơdrong gơh pôk rơih đơ̆ng kon pơlei đei pơm kiơ̆ tôm, ưh kơ đei lon. Hơdai hăm anih jang tơmam drăm, tơdrong jang tơroi tơbăt đei tŭn pran kiơ̆ trong hơbĕch hơbal, trŏ lăp hăm rim tơring; lăng kăl krao hơvơn kon pơlei krŭl, năm jang tơ̆ đak dơsĭ, bơngai pơtho lui, bơngai kiơ̆ lui; hơtŏk loi dơ̆ng jơ roi tơbăt hăm nơ̆r Raglay, Êđê, Chăm tơ̆ tơring kon kông.