Pơma tơ̆ Lêh tơbăt, Thủ tướng Phạm Minh Chính ƀrơ̆k kơ jơhngơ̆m vang truh pơm Lêh tơbăt 120 sơnăm Năr rơneh kơ nhap ƀok Phạm Văn Đồng - Bơngai cộng sản vei kơjăp mĭnh jơhngơ̆m đon, bơngai hŏk tro gơh hơgei, bơngai jang hơdai kơ ƀok Hồ pran kơtang - Bơngai đei tơpôl apŭng plĕnh ‘mêm vă hăm hơnăp jang ‘noh jĭ bơngai vei lăng hơgei, đei jơhngơ̆m đon ‘lơ̆ng, bơngai jang tơbôl nuih.

Thủ tướng pơma hơdăh, nhap ƀok Phạm Văn Đồng jĭ mĭnh ‘nu bơ ngai đei jơhngơ̆m đon ‘lơ̆ng kach mang: Đĭ jơhngơ̆m hăm Đảng, hăm teh đak, băt ‘mêm hăm Kon pơlei; pơ̆n tơchĕng pơ̆n jang, pơ̆n pŭ hơnăp jang; pơnam, tơpăt, rơđăh, ling lang iung jang tang găn sa pơ gơ̆m kơjĭp, kơnê̆, brăh brư; ling lang iŏk tơdrong yua ăn Teh đak, ăn Kon pơlei kăl hloh, hơdrol hloh. Thủ tướng pơma hơdăh khŏm iŏk jang pơtăl păng hơtŏk dôm kơjă, mŭk drăm tih tên mă nhap ƀok Phạm Văn Đồng pơsư̆ ăn kơ năr ‘nâu păng ning nai kai ning mônh, ăn tơdrong jang pơjing Việt Nam pơdrŏng pran, hơnŭk hơnoa, hơgei, hiôk chơt, kơjăp yak tŏk CNXH.