Lâm Đồng vei lăng, hơlen kơjăp duk rôp ka ưh đei tôm tơchơ̆t vă pơm jang
Thứ sáu, 14:39, 27/02/2026
Lan chih tơblơ̆
Lan chih tơblơ̆
VOV.Bahnar – Pơm kiơ̆ pơgơ̆r đơ̆ng Phŏ Thủ tướng Trần Hồng Hà ah 'măng hop akŏm trư̆k tuyê̆n mă 31 Jơnŭm pơgơ̆r jang kơ teh đak gah tơjră rôp you ka glăi, ưh đei tơroi păng ưh đe kiơ̆ pơkăp (IUU), Hơnih jang vei lăng kon pơlei dêh char Lâm Đồng 'nao pơtruh hla bar ăn rim hơnih jang, rim tơring athei pơm kiơ̆ kơjăp dôm tơdrong vei lăng duk rôp ka ưh đei tôm tơchơ̆t vă pơm jang.
Hơnih jang vei lăng kon pơlei dêh char Lâm Đồng pơgơ̆r hăm Hơnih Choh jang xa păng Cham char dah pơgơ̆r hăm Hơnih jang gah Ka hơdang păng Achon dơsĭ tenh kuăng chih hơnăn tôm duk rôp ka ưh đei tôm tơchơ̆t vă pơm jang kiơ̆ rim tơring.
Tơdrong chih akŏm đei kơsô̆ pơkăp gah duk rôp ka, tơ-'ngla duk, kơsô̆ pơkăp VNeID, hơnih oei xa păng kơsô̆ điê̆n thuăi vă pơtruh ăn rim tơring lơ̆m năr 26/2/2026 vă vei lăng kơjăp hloh. Jô̆ truh hơtuch khei 2/2026, jơ̆p dêh char Lâm Đồng đei 8.207 duk rôp ka; lơ̆m noh đei 7.234 duk đei hla bar oei khei năr pơm jang, đei hloh 88%; 973 tong duk ưh đei tôm tơchơ̆t vă pơm jang hlôi đei chih hơnăn vei lăng kơjăp păng ưh asong lĕch đơ̆ng dơnŏk duk.
Viết bình luận