Ră hơdah sơnong pơjao jang ăn Hơnih tơm Hơlen vei sơđơ̆ng tơpôl sơnăm 2026 păng dôm sơnăm đơ̆ng rŏng noh tih tên tơpă, Tổng Bí thư tơrĕk, kan ƀô̆, khul linh kơ Hơnih tơm Hơlen vei sơđơ̆ng tơpôl, Hơnih tơm Kŏng an pơtoi akŏm đon bơnôh tơguăt kơjăp hăm Đảng, Teh đak păng kon pơlei, keh đang tơnăp sơnong jang vei sơđơ̆ng tơdrong jang chinh trĭ, sơđơ̆ng tơpôl hơrih xa; sơkơ̆t hơdah sơnong jang kơchăng, pơjing dôm trong jang hiôk vă pơm jang đei jơnei dôm tơdrong jang tơ-iung pơjing păng vei lăng teh đak.

Atŭm hăm noh, Tổng Bí thư adoi pơgơ̆r hăm Hơnih tơm Hơlen vei sơđơ̆ng tơpôl athei kơchăng băt hơdah tơdrong đei ƀôh đơ̆ng hrôih, đơ̆ng hơtaih, ưh đei lê̆ hiơ̆ lơ̆m rim tơdrong; băt hơdah trŏ ƀlep, sek tơlang trŏ dôm tơdrong sơđơ̆ng tơpôl teh đak, tơguăt hăm tơdrong pơyua ăn teh đak; băt hơdah tôm tơdrong, pơgơ̆r chă hơlen, sek tơlang kơjăp dôm tơdrong tơroi tơbăt kơnê̆, phă pơrăm trong tơchơ̆t jang đơ̆ng Đảng.