Kơdră vei lăng Anih sek tơkang Kon pơlei gĭt kăl tơƀơ̆p pơma dơnuh hăm bơngai tăh hla tơ̆ Lâm Đồng hơdrol kơ pôk rơih
Thứ hai, 15:44, 02/03/2026
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV.Bahnar - Kơdră vei lăng Anih sek tơlang Kon pơlei gĭt kăl Nguyễn Văn Quảng kŭm hăm dôm bơngai lĕch pơjei bơngai tang măt Quốc hội jăl XVI găh anih jang pôk rơih kơsô̆ 1 dêh char Lâm Đồng hlôi tơƀơ̆p pơma dơnuh hăm bơngai tăh hla dôm xăh Đức Trọng, Hiệp Thạnh, Ninh Gia, Tà Hine, Tà Năng, Tân Hội păng Gia Hiệp.
Tơ̆ hop akŏm, hơnăn păng chih tơroi tơdrong jang, oei sa, hŏk pơhrăm đơ̆ng dôm bơngai lĕch pơjei đei roi tơbăt; dôm bơngai lĕch pơjei tơroi tơdrong jang, pơkăp bơ̆jang kiơ̆ tơdăh đei pôk iŏk. Bơngai tăh hla dêh char Lâm Đồng lăng ‘lơ̆ng tơdrong jang đơ̆ng dôm bơngai lĕch pơjei.
Pơma tơ̆ hop akŏm, Kơdră vei lăng Anih sek tơlamg Kon pơlei gĭt kăl Nguyễn Văn Quảng tơbăt, gô vang hơdai hăm Trung ương chĕp kơ̆l bơ̆jang kiơ̆ jơnei Tơdrong tơchơ̆t Hop akŏm XIV kơ Đảng, jang kiơ̆ ‘lơ̆ng trŏ lăp hăm yan âu Lâm Đồng; vang tơgop nơ̆r vă dêh char tơlĕch jang đei yua 6 hơnăp jang tơm păng 3 tơdrong jang gĭt kăl jăl jang 2025–2030.
Viết bình luận