Tổng Bí thư pơma hơdăh, đơ̆ng rŏng 66 sơnăm pơm kiơ̆ nơ̆r pơtho đơ̆ng ƀok Hồ, Têt pơtăm ‘long hlôi jing tơdrong joăt ‘lơ̆ng, tơgop pơm tơplih um ai teh đak, tơplih ‘lơ̆ng cham char bri brăh păng hơtŏk ‘lơ̆ng tơdrong hơrih kơ Kon pơlei. Pơtăm dơ̆ng 1 tơnơm ‘long ‘noh jĭ pơtruh dơ̆ng đon lui tơ̆ hơnăp kơnh hơtŏk tơiung kơjăp.

Tơƀôh hơdăh tơdrong jang ‘lơ̆ng đơ̆ng Đảng păng Teh đak ‘noh jĭ hơtŏk tơiung mŭk drăm ưh kơ pơm tơplih cham char, pơjing anih kơdrơ̆m hơgei mă lei athei vei lăng tơdrong rơgoh, Tổng Bí thư athei Anih tơm ‘nĕ pơm pơ rŏ dêh hnang, brăh brư, vei lăng “pơtăm ‘long hơyơ, hơrih ‘long ‘noh”. Tơdrong pơtăm ‘long athei tơklep hăm chĕng hơmet, vei lăng đunh đai, hơtŏ hăm hơtŏk tơiung anih kơdrơ̆m rơgoh, hơgei. Kiơ̆ trong tơlĕch jang, truh hơtuch khei 3, Hà Nội hơdrin pơtăm 80.000–100.000 tơ nơm ‘long păng dang 400.000 tơnơm ‘long lơ̆m pơđĭ sơnăm 2026.