Tổng Bí thư hôn bơnê kơtang lơ kang ƀô̆ Hơnih bơ̆ jang hlôi vang iung jang hloi rim tơdrong jang kăl lơ̆m jơ ‘năr Têt Nguyên đán ou ki, lơm ou đei ‘măng năm bơ̆ jang đơ̆ng Kơdră chep pơgơr Đảng, Teh đak tơ̆ teh đak Mi, tơgop gĭt kăl lơ̆m tơdrong jơnei ‘măng iung năm, hơnơ̆ng sơkơ̆t hơdăh hơnăp jang, hơnih dơ̆ng păng bơ̆ jang ‘lơ̆ng lơ̆m pơchoh trong, pơvih pơvăn lơ̆m bơ̆jang hơpeh hơpong kơtă lơm teh đak, hơpeh hơpong hăm teh đak đe. Khei năr kơnh, Tổng Bí Tô Lâm athei Hơnih bơ̆ jang Trung ương Đảng păng rim kang ƀô̆ tĕnh koăng iung jang hloi, ưh kơ lê̆ hiơ hiơ̆, kơtech toch broch; sơđơ̆ng iung jang hơnơ̆ng lơ̆m pơchoh trong, pơvih pơvăn ăn Trung ương; hơdrin kơtang iung jang keh đang rim trong tơlĕch jang, tơdrong tơchơ̆t đơ̆ng Hop akŏm tih kơ Đảng lơ̆m teh đak ‘măng mă 14, tơgop jang kiơ̆ jơnei rim trong tơlĕch jang kăl đơ̆ng Đảng.