Dôm nơ̆r pơma tơ̆ hop akŏm akhan, rim anih jang kơpal, tơring tơrang hlôi pơgơ̆r ăn kon pơlei sơng xa têt chơt hơiă’nă hal, hiôk sơđơ̆ng, ‘lơ̆ng hơiă, gơ̆h ‘mơ ‘met, băt ‘mêm băl, pơm ‘lơ̆ng ưh đei bu ưh xa têt, pơjing jơhngâm čhôk ‘nă mưh yak mât lơ̆m sơnăm ‘nao.

Hăm jơhngâm đon “xa Tết lăp ‘lơ̆ng, bơ̆ jang đơ̆ng hrôih, jăh jang hloi”, hop akŏm pơma hơdăh nơ̆r athei jăh tơlĕch jang hrơ̆ch ‘lơ̆ng, đei yoa dôm tơdrong jang hlôi đei Trung ương, Quốc hội, Khul kơdră teh đak drơng nơ̆r; hơtŏk tơdrong jang xa, tech mơdro, hơmet ming trong jang jên hu lăp ‘lơ̆ng, hơtŏk tơdrong tơlĕch jên jang đơ̆ng teh đak, hơmet ming ki luơ̆t vei lăng, hơmet pơ ‘lơ̆ng tơdrong ưh kơmăh bơngai jang, pơjing trong jang xa kơjăp ‘lơ̆ng ăn kon pơlei, adrin jang tŏk mŭk drăm sơnăm 2026 đơ̆ng 10% tŏk tơ̆ kơpal.

Thủ tướng pơma hơdăh rim tơdrong ƀât Tết sơđơ̆ng ‘lơ̆ng ngăl, gre tâm preh băl jur lơ găh 3 tơdrong hơgăt, tơdrong jang pơgang, roi tơbăt đei tơplih ‘lơ̆ng. Găh tơdrong vă jang lơ̆m sơnăm 2026, Thủ tướng athei akŏm jơhngâm ăn tơdrong jang mŭk drăm lơ̆m teh đak, vei lăng tang găn kơjă tơmam tŏk hlŏh tơdrong, hơtŏk tơdrong tơplih hăm kơmăy sô̆, bơ̆ jang rơgŏh ‘lơ̆ng, hơtŏk tơdrong đei yoa mưh jang xa, hơmet pơ ‘lơ̆ng tơdrong arih xa ăn kon pơlei, vei kơjăp tơdrong sơđơ̆ng, pơm tơm kơdih kơ teh đak.