VOV4.Bahnar  – Kơsơ̆ măng 'năr brei (21/12), Kơdră teh đak bơ̆n Nguyễn Xuân Phúc atŭm hăm Khul Kơpal kơ Việt Nam hlôi truh cham gre păr Soekarno Hatta, Jakatar, pơtơm 'măng năm tơmang Kơpal teh đak Indonesia.

VOV4.Bahnar – Khul Kơpal tang măt ăn Anih jang tang măt, Anih jang Tơgŭm găh Linh, dôm anih jang đei tơrĕk, anih jang mŭk drăm, Jơnŭm tơbôl Khmer - Việt Nam tơ̆ teh đak Campuchia hlôi truh 'măn kơvang pơkao, plang hlôt nhang tơ̆ Um man ƀlŏk tơbăt Tơbôl Việt Nam-Campuchia, tơ̆ anih tơm Phnom Penh.

VOV4.Bahnar - Gơmăng hei, năr 21/12, tơ̆ Hơnĭh bơ̆ jang Trung ương Đảng, Tổng Bí thư Nguyễn Phú Trọng pơma dơnuh păng điên thoăi hăm ƀok Miguel Díaz-Canel, Bí thư mă blŭng Đảng Cộng sản Cuba, Kơdră chĕp pơgơ̆r teh đak Cộng hòa Cuba.

VOV4.Bahnar - Drung kơsơ̆ năr 21/12, tơ̆ Hơnĭh bơ̆ jang Khŭl kơdră chĕp pơgơr Teh đak, Thủ tướng Teh đak Phạm Minh Chính hlôi sơng pơma dơnuh hăm ƀok Tomikazu Fukuda, Kơdră chĕp pơgơ̆r dêh char Tochigi, Nhật Bản tok bŏk năm tơmang păng bơ̆ jang tơ̆ Việt Nam.

VOV4.Bahnar - Ƀok Đỗ Văn Chiến, Bí thư Trung ương Đảng, Kơdră chĕp pơgơ̆r Dơnŏ anĭh  Trung ương MTTQ Việt Nam hăm Kơdră chĕp pơgơ̆r dêh char Kon Tum hlôi năm ngôi, hmach chơt hơ iă Noel tơ̆ Hnam oei păng bơ̆ jang đe Ƀok soi Tơring Lui khop Kon Tum.

VOV4.Bahnar – Pơgê năr 21/12, Thủ tướng teh đak bơ̆n Phạm Minh Chính pơgơ̆r Hop akŏm hơtŏk hơvơn tơmoi đơ̆ng teh đak đe năm tơmang tơ̆ Việt Nam.

VOV4.Bahnar - Vă vei lăng, tơgŭm bơngai dơnuh hin, bơngai đei tơdrong arih sa mơmat tat lơ̆m năr Tết Nguyên đán 2023, dêh char Gia Lai hlôi tơlĕch tơdrong jang “Tết ‘mêm mơnat pơyan Puih mak Quý Mão - 2023”.

VOV4.Bahnar - Kơsơ̆ ‘năr 20/12, tơ̆ Hà Nội, Jơnŭm rim khŭl jang tơbôl Việt Nam pơgơ̆r jang hơdai hăm Khŭl jang tơbôl Việt Nam-Hàn Quốc pơgơ̆r et sa tơbăt 30 sơnăm Năr pơjing tơdrong pơvei jang tơbôl Việt Nam-Hàn Quốc. Vang truh pơm lêh tơbăt đei Phŏ kơdră teh đak Võ Thị Ánh Xuân kŭm hăm Kơdră tang măt gĭt kăl kơ Hàn Quốc tơ̆ Việt Nam OH Youngju.

VOV4.Bahnar - Năr ‘nâu, Kơdră teh đak Nguyễn Xuân Phúc chĕp kơl khŭl tang măt gĭt kăl kơ teh đak Cộng hòa xã hội chủ nghĩa Việt Nam năm tơmang tơ̆ teh đak Cộng hòa Indonesia.

VOV4.Bahnar - Dơnŏ anih vei lăng kon pơlei dêh char Dak Lak pơgơ̆r tơƀâp đe kăn ƀô̆ pơm tih, yŏng khul linh lơ̆m rim jơhnơr ƀlep ƀât tơbăt 78 sơnăm năr pơjing Khul linh kon pơlei Việt Nam.