VOV4.Bahnar - Ataih pơhlom 30km pơtoi 2 dêh char Kon Tum păng Quảng Nam, trong kue\l Lò Xo tơ\ jăl trong Hồ Chí Minh jing trong kue\l hli hlơt, hơnơ\ng kơ đei xar bar trong nơnăm. Lơ\m noh, jăl km 1419+500 lơ\m xăh Đak Man, apu\ng Đak Glei, dêh char  Kon Tum đei lơ đe krao noh  "krang lôch răm". Kơlih kiơ jăl trong krang âu đei hơnăn hiơ\r kơ jơhngơ\m thoi âu, kơlih nhen le\ khei mă yơ tơ\ âu adoi đei xar bar trong nơnăm hli hlơt.

Tơdrong xar bar gre chơ tơmoi ăh trong krang lôch răm

Pơgê hrôih năr 23/2 âu ki, đơ\ng dêh char Hải Dương năm tơ\ Gia Lai, truh ăh jăl trong "krang lôch răm" tơ\ trong kue\l Lò Xo, gre chơ tơmoi đei kơxo# pơkăp 81B-007.05 yuơ Nguyễn Thành Đô, 38 xơnăm vơ\r hlôi tơ\m hăm minh tong gre dơ\ng ăh jih trong. Đơ\ng ro\ng kơ bơngai vơ\r gre adrin vei xơđơ\ng ăn gre hoai kơ lu\k u\k, noh gre chơ tơmoi tơ\m tơpăt ăh kie\ng gre đei kơxo# pơkăp 82C-02215 chơ xi măng oei kơdâu ăh anăp păng đơ\ng noh pơxuơ\k pơxuơ\l hloi. Mưh ưh kơ krơ\ng hơdral jơhngơ\m đơ\ng bơngai vơ\r gre dui tơmam juă pre gre vă dơ\t gre chơ tơmoi hoai kơdâu noh ưh kơ băt tơdrong kiơ truh [ơm hăm 30 ‘nu bơngai hao lơ\m gre păng gre năm adrol kơyuơ tơ\ anăp noh hang hơ\ng klu\ng hu\t. Tam mă tôch hiơ\r jơhngơ\m đơ\ng ro\ng kơ xar bar, bơngai vơ\r gre Nguyễn Thành Đô ăn tơbăt:“Gre dui tơmam juă pre gre. Pơhlom dang je# 100m noh pơtơm ke\ gơ\t kơdâu. Mưh gre dui tơmam mă ưh kơ gơ\t  pre noh gre inh duh pă gơh juă pre bơih”

Adrol kơ noh minh năr duh tơ\ jăl trong "krang lôch răm" âu, gre Contaier đei kơxo# pơkăp 64C-04896 yuơ Nguyễn Văn Sang, 46 xơnăm vơ\r hlôi tơ\m ăh pơga mam ta-luy găn trong păng hlôi hơneng. ‘Măng xar bar pơm ăn gre Sang, păng  Phạm Hữu Phước tơhlăk lơ\m ca bin hăm tơdrong rơka hlăm tôch dêh.

Krang lôch răm tơ\ jăl trong kue\l Lò Xo pơm hiơ\r jơhngơ\m dôm bơngai vơ\r gre. 

Khul jang y tế athei ka#p kư\u tenh hăm bơngai vơ\r gre păng hloh 1 jơ đơ\ng ro\ng kơ noh, khul kanh sat hơlen trong nơnăm pơtơm gơh dui bơngai vơ\r gre le\ch tơ\ nguaih. Jing bơngai hơnơ\ng vih vơ\t kiơ\ jăl trong krang lôch răm tơ\ jăl trong kue\l Lò Xo, ‘nho\ng Võ Tấn Phương, hnam tơ\ apu\ng Ngọc Hồi, dêh char Kon Tum ăn tơbăt:“Inh vih vơ\t kiơ\ jăl trong âu rim năr. Gre đe lu\k u\k lơ dêh. Lơ gre chơ tơmam trăp đunh đunh năm minh ‘măng noh đe pơhơi ưh kơ đei kơchăng noh [ơm xar bar hơnơ\ng đe\ch”  

 Kiơ\ kơ trung tá Nguyễn Ích Hòa, Kơdră Anih kanh sat hơlen trong nơnăm Ngọc Hồi, lơ\m Anih Kanh sat hơlen trong nơnăm Ko\ng ang dêh char Kon Tum, nhen le\ khei mă yơ tơ\ trong  "krang lôch răm" jăl trong kue\l Lò Xo adoi đei xar bar trong nơnăm, mă hăt noh hăm gre chơ tơmoi păng gre chơ tơmam. Tơdrong tơm xar bar noh yuơ trong "krang lôch răm" kue\ch kue\l, krang nak noh bơngai vơ\r gre tơnap kơ băt tơlang [ơ\t jra#m tơmam pơgăn tơhlăk; trong rơnguơ\ noh bơngai vơ\r pơhơi păng adrol kơ noh yuơ vih vơ\t kiơ\ trong kue\l ataih, bơngai vơ\r hơnơ\ng juă pre păng pho\ ăh jơ kăl noh pre tơblơih ưh kơ kăp. Vă vơ\r gre vih vơ\t kiơ\ trong krang lôch răm gơh xơđơ\ng, trung tá Nguyễn Ích Hòa pơtruh nơ\r tơbăt hăm dôm bơngai vơ\r gre thoi âu: “Ăh to\k truh groi krang kue\l noh athei pơdơh hơlen lăng kơmăi kơmo\k gre hăm đei xơđơ\ng dăh mă ưh. Mưh kơmăi to# dêh hnang noh ba chruih đak. Băt hơdăh dôm anih tơbang đei trong hli hlơt đơ\ng khul kơpal. Athei pơm kiơ\ [lep găh tơdrong vơ\r gre [ơ\t jur krang păng xơkơ\t tơjur kơxo# kơdâu gre renh [ơ\t ăh to\k krang duh nhen [ơ\t jur krang”

Atu\m hăm dôm tơdrong xar bar trong nơnăm hiơ\r kơ jơhngơ\m đei [ôh tơ\ "krang lôch răm" ăh jăl trong kue\l Lò Xo dôm xơnăm tơje# âu, noh tơroi truh ‘măng xar bar đunh kơ âu 12 xơnăm, 29 ‘nu yă [ok jang lơ\m khul linh xo tơ\ phường Kim Liên, Quận Đống Đa, Hà Nội hlôi lôch hơchăng ăh trong krang âu lơ\m ‘măng vih apong kơdrăn tơblăh xơ\. Vă pă đei oei trong "krang lôch răm", pă đei oei dôm tơdrong xar bar trong nơnăm j^ bơnôh, atu\m hăm tơdrong kơchăng pơm kiơ\ pơkăp vei xơđơ\ng trong nơnăm đơ\ng bơngai vơ\r gre, rim anih jang kơpal duh athei đei trong jang tơnăp găh kih thuơ\t vă jăl trong hli hlơt âu tơ\ jăl trong kue\l Lò Xo pă đei jing jăl trong krang lôch răm bơih.

Lan chih păng rapor