VOV4.Bahnar - Jo# tru\h khe\i 7/2018, ako\p kon jên chă hơvơn kơ dêh char Lâm Đồng đe\i 47.500 ti hlak jên pơtêng hăm khe\i hơdrol, to\k 3.065 ti hlak jên pơtêng hăm năr blu\ng sơnăm. Kon jên ăn to\k io\k đe\i 80.000 ti hlak jên, to\k 933 ti hlak jên pơtêng hăm khe\i hơdrol.

Lăng atu\m, sơnăm au, rim an^h mong jên mơdro sa păng rim an^h jang ăn to\k io\k jên tơ\ Lâm Đồng hơnơ\ng ato\k kơtang rim trong jang ăn to\k io\k jên ato\k tơ iung cho\h jang sa, tơring cho\h jang sa, lơ trong jang tơgum djru ăn  an^h mơdro sa tơm ato\k tơ iung, hơmet pơ ‘lơ\ng trong jang mơdro sa, tơdrong jang tơgu\m lơ\m to\k io\k jên tơgu\m ăn tơdrong jang tơjur dơnu\h te\nh koăng păng kơ jăp ‘lơ\ng.

Tơblơ\ nơ\r: Amazưt