VOV4.Bahnar   – Pơgê ‘năr brei (29/5) Jơnu\m pơgơ\r tơdrong jang tơpôl hơto\k pơ ‘lơ\ng tơdrong vei lăng jơhngơ\m jăn rơneh hơ ioh ăn drăkăn păng hơdruh kon kông (EC4) jang atu\m hăm Anih jang ActionAid Việt Nam pơjao tơmam drăm y te# đei kơjă je# 1 tih 200 triu hlj ăn anih khăm hơmet j^ tơring Tân Hà, apu\ng Lâm Hà, dêh char Lâm Đồng.

Tơmam drăm đei 12 tơmam drăm yte# nhen kơmăi siêu âm ăn drăkăn hơnăp, kơmăi siêu âm 4D, anih pơ ‘na#m tơno\ ăn kơ nge, kơmăi dui jơhngơ\m hăm hoyuh ôxy, kơmăi pơjing hơyuh ôxy, kơmăi pơrơgoh ozeno, unh pơrơgoh hơyuh plenh hăm kơso# jên je# 1 tih 200 triu hlj. ‘Nâu jing minh păh lơ\m tơdrong jang vă pơjing Anih khăm hơmet j^ ăn drăkăn hơnăp đei Tơdrong jang  EC4 io\k jang tơ\ Anih jang Y te# apu\ng Lâm Hà, dêh char Lâm Đồng đơ\ng khei 10/2019. Anih khăm đei hnam kơjăp ‘lơ\ng, đei tôm giơng ‘nao ‘măn hơmet j^, đei tơroh hăm  bảo hiểm y te# vă tơdrong jang vei lăng jơhngơ\m jăn ăn drăkăn hơnăp păng đe hơdruh kon kông.

Lan chih păng rapor